ទីប្រជុំជន និងក្រុងជាច្រើននៅវៀតណាម ស្ទើរក្លាយជាបឹងក្រោយព្យុះដំរីវាយប្រហារ

2017-11-06 03:48:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្យុះទីហ្វុងដំរី បានវាយប្រហារភាគកណ្ដាល និងឆ្នេរភាគខាងត្បូង ប្រទេសវៀតណាម តាំងពីព្រលឹមថ្ងៃសុក្រសប្ដាហ៍មុនបណ្ដាលឲ្យមនុស្សស្លាប់ ២៩នាក់ និងកំពុងបាត់ខ្លួន ២៩នាក់ គិតត្រឹមរសៀលថ្ងៃអាទិត្យទី ៥វិច្ឆិកា។ នេះបើតាមការប្រកាសរបស់គណៈកម្មាធិការគ្រប់គ្រង និងការពារគ្រោះមហន្តរាយវៀតណាម។

ព្យុះទីហ្វុងនេះ ជាព្យុះដ៏ធំទី ១២ហើយ ដែលបានវាយប្រហារវៀតណាមឆ្នាំនេះ ដោយបង្កជាភ្លៀងធ្លាក់ខ្លាំង និងបាក់ដី ជាមួយល្បឿនខ្យល់ ១៣៥គីឡូម៉ែត្រក្នុងមួយម៉ោង។ កម្លាំងព្យុះបានថយចុះមកទាបពេលធ្វើដំណើរមកដល់ប្រទេសកម្ពុជា។

តំបន់ដែលរងផលប៉ះពាល់ខ្លាំង គឺខេត្តភាគត្បូង ភាគកណ្ដាល និង Central Highland ដែលមានប្រមាណ ១០ខេត្ត។ ខេត្តប៉ះព្យុះខ្លាំងជាងគេបំផុត គឺខេត្ត Khanh Hoa។

ការប៉ាន់ស្មានបឋមបង្ហាញថា ព្យុះទីហ្វុងបានផ្ដួលរំលំផ្ទះជាង ៦០០ខ្នង ខូចខាតជិត ៤ម៉ឺនខ្នង និងលិចវាលកសិកម្មជិត ៣ម៉ឺនហិចតា។ ទូក និងកប៉ាល់នេសាទប្រមាណ ២៣០គ្រឿងបានលិច និងខូចខាត ខណៈកសិដ្ឋានចិញ្ចឹមត្រីជិត ១ ៥០០កន្លែងខូចខាត។

បើគិតជាទំហំទឹកប្រាក់ វៀតណាមខាងបង់ប្រមាណ ៣លានដុល្លារ។ ក្រោយព្យុះភ្លៀងតំបន់ជាច្រើនក្នុងទីប្រជុំជន និងទីក្រុង ត្រូវបានជន់លិចស្ទើរតែក្លាយជាបឹង។ ទស្សនាទិដ្ឋភាពលិចលង់គួរឲ្យខ្លោចចិត្តខាងក្រោម៖