ស្ងាត់ៗក្មួយស្រី កែវ រំចង់ ឈ្នះខ្សែក្រវាត់មួយទៀតហើយនៅអាមេរិកយប់មិញនេះ
- 2017-11-06 04:42:53
- ចំនួនមតិ 0 | ចំនួនចែករំលែក 0
ស្ងាត់ៗក្មួយស្រី កែវ រំចង់ ឈ្នះខ្សែក្រវាត់មួយទៀតហើយនៅអាមេរិកយប់មិញនេះ
ចន្លោះមិនឃើញ
ក្មួយស្រី កែវ រំចង់ កីឡាការិនី Samontha ស្ងាត់ៗទើបឈ្នះខ្សែក្រវាត់ទី៣របស់ខ្លួនកាលពីយប់មិញនៅទីក្រុង New York សហរដ្ឋអាមេរិក ក្នុងកម្មវិធី New York USMTO East champion។
បើតាមការឲ្យដឹងពីលោក Matthew ថា កូនស្រីរបស់លោក Samontha ទើបតែប្រកួតឈ្នះខ្សែក្រវាត់មួយទៀតកាលពីយប់មិញនេះ ដោឈ្នះពិន្ទុលើកីឡាការិនី Inez Perez ដោយពិន្ទុ។ លោកមានអារម្មណ៍រីករាយនៅពេលដែលកូនស្រីធ្វើបានល្អដូចនេះ។
ឪពុករបស់ Samontha រូបនេះបន្ថែមទៀតថា អ្វីដែលត្រេកអរបំផុតនោះពេលដែលឃើញការខំប្រឹងប្រែងរបស់គេ បានសម្រេចបំណងដូចនេះ។ កូនស្រីរបស់លោកហ្វឹកហាត់ខ្លាំងសម្រាប់ត្រៀមការប្រកួតដណ្ដើមខ្សែក្រវាត់នៅ New York នេះ ពោលនៅពេលចេញពីសាលាចូលក្លឹបហាត់ និងពេលមកដល់ផ្ទះក៏ធ្វើការហ្វឹកហាត់ជាបន្តទៀត ហើយគេធ្វើដូចនេះប្រចាំ។
រីឯកីឡាការិនី Samontha ក៏បាននិយាយក្រោយការប្រកួតមិញថា Video live ថា ខ្លួនពិតជាអរគុណដល់អ្នកគាំទ្រនៅកម្ពុជាដែលតែងតែឲ្យកម្លាំងចិត្តដល់នាង ហើយអ្វីដែលខ្លួនខំប្រឹងនេះគឺចង់ឲ្យគេស្គាល់ប្រដាល់គុនខ្មែរ និងចង់ជួយផ្សព្វផ្សាយឲ្យមនុស្សជាច្រើនទៀតបានដឹងពីក្បាច់គុនមួយនេះ។
កីឡាការិនី Samontha ជាក្មួយស្រីរបស់អ្នកប្រដាល់ល្បីឈ្មោះរបស់កម្ពុជាគឺ កែវ រំចង់ បច្ចុប្បន្នរស់នៅឯសហរដ្ឋអាមេរិក គេប្រកួតបាន១៧ដង ឈ្នះ១៥ ចាញ់២ មិនដែលស្មើ។ ការឈ្នះខ្សែក្រវាត់ New York USMTO East champion នេះជាខ្សែក្រវាត់ទី៣ របស់គេហើយ ខណៈលើកទី២ ឈ្នះកាល 2017 USMTO West in Phoenix Arizona និងទី១នោះគីក្នុងឆ្នាំ 2016 TBA Classic in Des Moines Iowa៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
