Adobe Lightroom លើកនេះ ជួបគូប្រកួតប្រជែងថ្មី កាន់តែខ្លាំងជាងមុនទៀត

2017-11-06 05:10:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតកម្មវិធីមានមូលដ្ឋាននៅរដ្ឋ California សហរដ្ឋអាមេរិក Macphun (ត្រៀមប្តូរទៅជា Skylum) បានប្រកាសពីកម្មវិធី Luminar 2018 ជាប្រភេទកម្មវិធីកែរូបភាពឌីជីថលនិងគ្រប់គ្រងការផលិតជាថ្មី ក្នុងគោលដៅប្រកួតប្រជែងជាមួយ Adobe Lightroom។

CEO របស់ Macphun លោក Alex Tsepko បានថ្លែងថា "យើងចំណាយពេលជាយូរស្តាប់នូវអ្វីដែលអ្នកថតរូប ផ្ដល់មកឲ្យយើង។ អ្វីដែលពួកគេចង់បាន គឺគុណភាពនិងដំណើរការរលូននៃកម្មវិធី ចំណាយពេលតិចបំផុតនៅជាមួយកុំព្យូទ័រ នឹងផ្ដល់ឱកាសឲ្យអ្នកថតរូបអាចមានពេលចេញទៅខាងក្រៅ ដើម្បីផ្ដិតយករូបភាពបន្ថែម"។

លោកថា កម្មវិធី Lumiar បានច្របាច់បញ្ចូល Tools និងមុខងារគ្រប់គ្រងសំខាន់ដែលអ្នកថតរូបត្រូវការ។ សាមញ្ញ ងាយស្រួលប្រើប្រាស់ ប៉ុន្តែផលិតគុណភាពនៃរូបភាពថ្មីចេញមកគឺល្អប្រសើរ ដោយមិនបាច់ខំប្រឹងប្រែងខ្លាំង។

ក្រៅពីមុខងារជាច្រើនមិនចាញ់ Lightroom សម្រាប់ Luminar 2018 មានបញ្ចូលនូវ Preset One-Click ចំនួន ១០០ និង Filter Image ចំនួន ៤០។ បច្ចុប្បន្នបើកឲ្យ Pre-Order លើគេហទំព័រMacphun ក្នុងតម្លៃ ៦០ ដុល្លារ ឬចំណាយ ៤០ ដុល្លារសម្រាប់អ្នកធ្លាប់ប្រើ Luminar ជំនាន់មុន ខណៈតម្លៃទូទៅគឺ ៧០ ដុល្លារឯណោះ អ្វីដែលពិសេសអំឡុងពេល Pre-Order អ្នកនឹងទទួលបាននូវកញ្ចប់មុខងារ Preset និង Textures ក៏ដូចជា LUTs និងសេវា Power ១ ឆ្នាំពេញពី SmugMug។

ប្រភព៖ petapixel ប្រែសម្រួល៖ កៅ រក្សា