រឿងរ៉ាវមួយចំនួនពីឡានប្រភេទ Sedan អ្នកអាចមិនដឹងសោះ

2017-11-08 01:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រភេទ Sedan (ឬហៅថា Saloon សម្រាប់ជនជាតិអង់គ្លេស និងអៀរឡង់) ជាប្រភេទរថយន្តអ្នកដំណើរដែលមានសណ្ឋានជាបីផ្នែករួមមានម៉ាស៊ីន, កន្លែងអង្គុយ និងកន្លែងដាក់ឥវ៉ាន់ ហើយអាចមានទ្វារពីរ ឬ បួន។

កន្លែងសម្រាប់អង្គុយមានចែកចេញជាពីរជួរ ចំណែកកន្លែងដាក់ឥវ៉ាន់ភាគច្រើនស្ថិតនៅផ្នែកខាងក្រោយ លើកលែងរថយន្តមួយចំនួនមានម៉ាស៊ីននៅខាងក្រោយ ហេតុនេះមានកន្លែងដាក់ឥវ៉ាន់នៅខាងមុខជំនួសវិញ។ ដោយឡែកចំពោះរថយន្ត Sedan ប្រភេទអគ្គិសនីវិញដូចជា Tesla Model S មិនមានផ្នែកម៉ាស៊ីនឡើយ ហេតុនេះវាមានកន្លែងដាក់ឥវ៉ាន់ទាំងមុខ និងក្រោយ ឬមានបន្ថែមកៅអីសម្រាប់អ្នកដំណើរមួយជួរទៀតនៅផ្នែកខាងក្រោយ។

ពាក្យថា Sedan នេះប្រហែលជាបំបែកចេញពីភាសាអ៊ីតាលីភាគខាងត្បូងនៃពាក្យ “Sedia” (មានន័យថាកៅអី) ដែលលេចចេញនៅអំឡុងទសវត្សឆ្នាំ ១៦៣០ ហើយពាក្យនេះដំបូងត្រូវប្រើសម្គាល់លើគ្រែស្នែងសែងដោយមនុស្សពីរនាក់។

រថយន្តប្រភេទបិតជិត (Closed Car) ដំបូងគេដែលបានប្រើពាក្យថា Sedan នេះគឺ Speedwell ដែលផលិតឡើងដោយក្រុមហ៊ុន Speedwell Motor Car ក្នុងឆ្នាំ ១៩១១។ ប៉ុន្តែមុនមានការប្រើពាក្យនេះរថយន្តដែលបិតជិតត្រូវបានគេហៅថា Saloon ឬ Limousine។ ពាក្យថា "Convertible Sedan” ត្រូវបានប្រើអំឡុងទសវត្សឆ្នាំ ១៩៣០ សម្រាប់រៀបរាប់ពីរថយន្តដែលមានដំបូលទន់ អាចបត់បាន។

រថយន្ត Sedan នេះមានចែកចេញជាច្រើនប្រភេទទៀត ដូចខាងក្រោម ៖

@ Club Sedan

ជាប្រភេទរថយន្តទ្វារពីរ ឬបួន មានដំបូលប្រវែងខ្លី និងមានផ្ទៃខាងក្នុងតូច។ រថយន្តប្រភេទនេះតែងមានលើពពួករថយន្តស៊េរីខ្ពស់របស់សហរដ្ឋអាមេរិក នៅអំឡុងពាក់កណ្ដាលទសវត្ស ១៩២០ និង ពាក់កណ្ដាលទសវត្ស ១៩៥០។

@ Notchback Sedan

ជាប្រភេទរថយន្ត Sedan ដែលមានផ្នែកអ្នកដំណើរដាច់ចេញពីកន្លែងដាក់ឥវ៉ាន់ ពេលមើលពីចំហៀង។ ដំបូលមានសភាពរាបស្មើ ចំណែកគម្របកន្លែងដាក់ឥវ៉ាន់ក៏រាបស្មើដូចគ្នា។

@ Fastback Sedan

ជាប្រភេទរថយន្តដែលមានដំបូលជ្រាលរហូតដល់កន្លែងដាក់ឥវ៉ាន់។

@ Hardtop Sedan

រថយន្ត Sedan ធម្មតាតែងតែមានគ្រោងជុំវិញកញ្ចក់បង្អួច ប៉ុន្តែចំពោះប្រភេទ Hardtop Sedan មិនមានគ្រោងឡើយ។ នៅអំឡុងទសវត្សឆ្នាំ ១៩៦០ ទៅ ១៩៧០ រថយន្តប្រភេទនេះលក់ដាច់បំផុតនៅសហរដ្ឋអាមេរិក។

@ Hatchback Sedan

Hatchback នេះស្រដៀងនឹង Fastback ដែរ ប៉ុន្តែផ្នែកខាងក្រោយទាំងមូលរបស់វាអាចទាញបើកចេញបាន មិនដូច Fastback ដែលបើកបានតែពាក់កណ្ដាលនោះទេ។ រថយន្តដែលមានទ្វារអ្នកដំណើរបួន រួមនឹងទ្វារទាញឡើងនៅផ្នែកខាងក្រោយមួយ គេអាចហៅវាថា Hatchback ទ្វារបួន, Hatchback ទ្វារប្រាំ, Hatchback Sedan ទ្វារបួន ឬ Sedan ទ្វារប្រាំ។ Hatchback Sedan ក៏មានជាប្រភេទទ្វារពីរដែរ ដូចជា Ford Fiesta, Ford Focus ឬ Chevrolet Chevette ជាដើម។

@ Chauffeured Sedan

ជាប្រភេទរថយន្តដែលមានចែកផ្នែកអ្នកបើកបរ និងផ្នែកអ្នកដំណើរខាងក្រោយដាច់ចេញពីគ្នា ហើយផ្នែកអ្នកដំណើរខាងក្រោយមានប្រវែងវែងទូលាយ អាចអង្គុយបានយ៉ាងស្រួល។ ប្រភេទរថយន្តដែលប្រើរចនាបថនេះមានដូចជា Lincoln Town Car, Cadillac, Mercedes-Benz និង Rolls-Royce ជាដើម៕

ប្រភព៖ Wikipedia ប្រែសម្រួល៖ សុខហេង

ពាក្យទាក់ទង

រថយន្ត ចំណេះដឹងបច្ចេកវិទ្យា

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤