ពិសេសបាត់!អ្នកមានចំណូលមធ្យមនឹងពេញចិត្ត បើដឹងពីលក្ខខណ្ឌទិញ"ផ្ទះតម្លៃសមរម្យ"
- 2017-11-08 07:34:19
- ចំនួនមតិ 0 | ចំនួនចែករំលែក 0
ពិសេសបាត់!អ្នកមានចំណូលមធ្យមនឹងពេញចិត្ត បើដឹងពីលក្ខខណ្ឌទិញ"ផ្ទះតម្លៃសមរម្យ"
ចន្លោះមិនឃើញ
ក្រសួងរៀបចំដែនដី នគរូបនីយកម្ម និងសំណង់ បានប្រកាសបើកការដ្ឋាសាងសង់លំនៅឋានតម្លៃសមរម្យបែបខុនដូ ក្រោមការសាងសង់ក្រុមហ៊ុនអភិវឌ្ឍលំនៅដ្ឋានរបស់ជប៉ុន ឈ្មោះថា "អារ៉ាខាវ៉ា" ដើម្បីសាងសង់លំនៅដ្ឋានកណ្ដាលទីក្រុងភ្នំពេញ សម្រាប់ប្រជាជនកម្ពុជាដែលមានប្រាក់ចំណូលមធ្យម អាចមានលទ្ធភាពបានរស់នៅសមរម្យ។
ថ្លែងក្នុងពិធីសម្ពោធបើកការដ្ឋាសាងសង់លំនៅឋានតម្លៃសមរម្យវិនិយោគទឹកប្រាក់ប្រមាណ ៧០លានដុល្លារ នាព្រឹកមិញនេះ លោក អាឡិច យ៉ាស៊ូម៉ូតូ សហស្ថាបនិកក្រុមហ៊ុនអារ៉ាខាវ៉ា បានថ្លែងថា លំនៅដ្ឋានបែបខុនដូនេះនឹងដាក់លក់ក្នុងតម្លៃចន្លោះពីជាង ២ម៉ឺន ទៅ ៣ដុល្លារ។ លោកថា «ចំពោះលក្ខខណ្ឌសម្រាប់ប្រជាជនដែលមានបំណងចង់ទិញលំនៅដ្ឋាននេះវិញ គ្មានអ្វីស៊ាំញ៉ាំនោះទេ ដោយក្រុមហ៊ុនមិនកំណត់ថាអតិថិជនជាអ្នកណាទេ ឲ្យតែអ្នកមានលទ្ធភាពអាចទិញបានទាំងអស់ ប៉ុន្តែលើកលែងអ្នកធ្វើវិនិយោគ ដែលទិញទុកលក់ឬជួលបន្តប៉ុណ្ណោះ»។
ដោយឡែកសម្រាប់ប្រាក់កក់គឺមិនតម្រូវបង់មុនឡើយ រហូតដល់ការសាងសង់បញ្ចប់ជាស្ថាពរ ទើបក្រុមហ៊ុនតម្រូវឲ្យអតិថិជនតំកល់ប្រាក់ ៣០% និងអាចខ្ចីធនាគារដើម្បីបង់រំលស់រយៈពេល ១០ ទៅ ២០ឆ្នាំទៀតក៏បាន។ តែយ៉ាងណាក្រុមហ៊ុនស្នើអតិថិជនឲ្យបើកគណនេយ្យសន្សំប្រាក់ជាមុន យ៉ាងហោចណាស់ក៏តម្កល់ក្នុងកុងធនាគារចំនួន ៣០%នៃតម្លៃផ្ទះសរុបដែរ។ រីឯប្រាក់សន្សំទាងនេះ ក្រុមហ៊ុនបានសន្យាថា នឹងមិនប៉ះពាល់ដាច់ខាត។ លោក អាឡិច បន្ថែម។
គម្រោងនេះមានទីតាំងស្ថិតនៅភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ នឹងសាងសង់លើផ្ទៃដីជាង ១៣ ពាន់មែត្រការ៉េ សាងសង់ជាពីរដំណាក់កាល ដោយដំណាក់កាលទី ១ សាងសង់អគារចំនួន ១០ ចែកជា ៥ ប្លុក ដោយ ១ប្លុក មាន ២អគារ និងមានកម្ពស់ ១៩ជាន់ ទៅ ២៣ជាន់ មានបន្ទប់ស្នាក់នៅសរុបប្រមាណ ២០០០យូនីត ដោយ១យូនីត មានទំហំ ៣x៧ ម៉ែត្រការ៉េ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
