ហេតុផល អ្នកទេសចរអាស៊ីសម្រុកទៅលេង ឡាស វេហ្គាស់
- 2017-11-09 02:36:05
- ចំនួនមតិ 0 | ចំនួនចែករំលែក 0
ហេតុផល អ្នកទេសចរអាស៊ីសម្រុកទៅលេង ឡាស វេហ្គាស់
ចន្លោះមិនឃើញ
ទីក្រុងឡាស វេហ្គាស់ របស់សហរដ្ឋអាមេរិកបានក្លាយជាតំបន់ទេសចរណ៍ដ៏មានសក្ដានុពលជាយូរមកហើយ ប៉ុន្តែចំនួនភ្ញៀវទេសចរពីទ្វីបអាស៊ីនៅមានកម្រិត បើប្រៀបធៀបនឹងភ្ញៀវទេសចរពីតំបន់ផ្សេងៗទៀត។ យ៉ាងណា មួយរយៈពេលចុងក្រោយនេះ ភ្ញៀវទេសចរពីទ្វីបអាស៊ីបានទៅទស្សនារហូតជាប់កំណត់ត្រាគួរឲ្យចាប់អារម្មណ៍។
តាមប្រភពអង្គការ Downtown Las Vegas Alliance ដែលបង្កើតឡើងកាលពីឆ្នាំ២០០៨បានឲ្យដឹងថា ថ្មីៗនេះភ្ញៀវទេសចរពីទ្វីបអាស៊ីបានកើនឡើងជាលំដាប់គួរឲ្យកត់សំគាល់ទៅលេងទីក្រុងឡាស វេហ្គាស់ របស់សហរដ្ឋអាមេរិក ជាពិសេសតំបន់ Las Vegas Alliance។ ហេតុផលមួយចំនួនដែលទាក់ទាញភ្ញៀវទេសចរពីអាស៊ីខ្លាំង។ ទីក្រុងឡាស វេហ្គាសបានផ្តោតលើការកែប្រែលក្ខណៈសម្បត្តិរបស់ខ្លួនឲ្យមានក្លាយជាទីកម្សាន្តដ៏រស់រវើក ទាក់ទាញ និងសំបូរបែបបំផុតស្របតាមអ្នកទេសចរមកពីតំបន់នីមួយៗដើម្បីក្រេបយកបទពិសោធដ៏អស្ចារ្យមិនធ្លាប់មានក្នុងជីវិត។ ភាពស្រស់ស្អាតនៃទីក្រុងដែលតុបតែងលំអយ៉ាងប្រណីតជាមួយនឹងសុវត្ថិភាពតាមទីសាធារណៈដែលងាយស្រួលកម្សាន្តរីករាយបំផុត។ អ្នកទេសចរស្វែងរកបទពិសោធន៍ដ៏អស្ចារ្យ ជាពិសេសអ្នកទេសចរពីអាស៊ីដែលមានជម្រើសតាមសេចក្តីប្រាថ្នារបស់ខ្លួន។ ការផ្ទុះឡើងនៃវិស័យទេសចរណ៍នៅឡាស វេហ្គាសនារយៈពេលប៉ុន្មានឆ្នាំចុងក្រោយនេះ អ្នករស់នៅទីក្រុងនេះបានព្យាយាមផ្តោតលើអ្វីដែលជាលក្ខណៈពិសេសប្លែកគ្មានពីរ។
ភ្ញៀវទេសចរអាស៊ីកំពុងស្វែងរកបទពិសេសនៅឡាស វេហ្គាសដែលផ្ដល់ភាពសំបូរបែប សុវត្ថិភាព និងផ្លូវថ្នល់ស្អាត ជាពិសេសទីធ្លាសាធារណៈស្រស់ស្អាតបំផុត។ ដឹងច្បាស់ហើយថា ទីក្រុងម៉ាកាវរបស់ប្រទេសចិនកំពុងក្លាយជាតំបន់ស្តេចល្បែងនៅអាស៊ី ឬតំបន់ស្បែងទី២នៅលើលោក បើធៀបនឹងឡាស វេហ្គាស ប៉ុន្តែភ្ញៀវពីអាស៊ីកាន់តែសម្រុកទៅអាមេរិកដែលជាឋានសំបូរវប្បធម៌ដ៏សំបូរបែប។ ឧទ្យានដ៏ល្បីល្បាញ Container Park ជាឋានសួគ៌ផ្សារទំនើបដែលជាបេះដូងនៃទីក្រុងឡាស វេហ្គាស។ ផ្លូវ Fremont Street មានមនុស្សដើរកម្សាន្តដ៏រស់រវើកដែលប្រមូលផ្តុំដោយកាស៊ីណូ និងរមណីយដ្ឋាន។ មួយទៀត វាជាកន្លែងប្រមូលផ្តុំដោយអាជីវកម្មក្នុងស្រុកដ៏អស្ចារ្យដូចជា Eat Downtown Las Vegas, Carson's Kitchen, Gold Spike និង Donut Bar Las Vegas ជាដើម។
អ្វីដែលងាយស្រួលមួយទៀតនោះគឺការហោះហើរចេញពីអាស៊ីមួយចំនួនទៅឡាស វេហ្គាសផ្ទាល់ដោយមិនមានផ្លាស់ប្ដូរជើងហោះហើរឡើយ។ ភ្ញៀវភាគច្រើនចេញពីប្រទេសចិនដែលទៅកម្សាន្តនៅទីនោះដែលពួកគេមិនត្រឹមតែទៅលេងប៉ុណ្ណោះទេ ប៉ុន្តែក៏ទៅធ្វើជំនួញផងដែរ។ ហេតុផលនៃការកើនឡើងជំនួញពីអាស៊ីទៅឡាស វេហ្គាសដោយសារកម្មវិធីរដ្ឋាភិបាលហៅកាត់ថា EB-5 ដែលទទួលភ្ញៀវទេសចរបរទេសតាមរយៈ green cards។ ជនជាតិចិន ជាពិសេសសាច់ញាតិដែលកាត់ចិន-អាមេរិកបានកំពុងរីកចម្រើនជាលំដាប់នៅឡាស វេហ្គាស៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
