ក្មេងប្រុស១៤ឆ្នាំ អាចបង្វិលក្បាលបែរក្រោយបាន ១៨០ដឺក្រេ គួរឲ្យខ្លាច (មានវីដេអូ)

2017-11-09 03:33:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្មេងប្រុសជនជាតិប៉ាគីស្ថានម្នាក់ ឈ្មោះ Muhammad Sameer អាយុ ១៤ឆ្នាំ កំពុងធ្វើឲ្យមហាជនភ្ញាក់ផ្អើល បន្ទាប់ពីគេអាចបង្វិលក្បាលបែរក្រោយរហូតដល់ ១៨០ដឺក្រេ។

ក្មេងប្រុសម្នាក់នេះត្រូវបានគេដាក់រហស្សនាមឲ្យថា «មនុស្សទីទុយ» រស់នៅទីក្រុងការ៉ាឈី ភាគខាងត្បូងប្រទេសប៉ាគីស្ថាន តែងតែត្រូវគេឃើញប្រើដៃបង្វិល.កបែរក្រោយទាំងមិនមានបញ្ហា។

សមត្ថភាពដ៏អស្ចារ្យ និងកម្រប្រទះឃើញនេះ ធ្វើឲ្យគេសង្ឃឹមថា Sameer នឹងអាចឈានជើងចូលវិស័យភាពយន្តហូលីវូដបានជាក់ជាមិនខាន។ បើតាមសម្ដីរបស់យុវជនដដែលនិយាយថា កាលនៅអាយុ ៦ ឬ ៧ឆ្នាំ គេបានឃើញតួអង្គក្នុងរឿងហូលីវូដបែបរន្ធត់ម្នាក់ បានបែរក្បាលមកក្រោយធ្វើឲ្យគេចាប់អារម្មណ៍ រួចចាប់ផ្ដើមហាត់បែរក្បាលតាម រហូតបានពីរបីខែគេក៏អាចធ្វើបាន។

"ម្ដាយរបស់ខ្ញុំបានទះកំផ្លៀងខ្ញុំ ពេលឃើញខ្ញុំធ្វើបែបនេះ ហើយប្រាប់កុំឲ្យធ្វើបែបនេះទៀ ព្រោះមិនចង់ឲ្យឈឺ.ក តែចុងក្រោយគាត់ដឹងថា ប្រហែលនេះជាកាដូរបស់ព្រះប្រទានឲ្យ គាត់ក៏ឈប់ហាមខ្ញុំ។ ក្ដីស្រមៃរបស់ខ្ញុំ គឺធ្វើឲ្យដូចតួអង្គក្នុងរឿងហូលីវូដនោះ"។ ប្រភពខាងលើបន្ថែម។

Sameer បានបោះបង់ចោលការសិក្សា និងចូលរួមក្នុងក្រុមរាំមួយឈ្មោះថា Dangerous Boys ដើម្បីរកប្រាក់ជួយគ្រួសារ បន្ទាប់ពីឪពុកធ្លាក់ខ្លួនឈឺដោយសារជំងឺដាច់សរសៃឈាមបេះដូង៕ សូមទស្សនាវីដេអូខាងក្រោម៖