ទូរសព្ទ ៦ ម៉ូដែលមានកាមេរ៉ាល្អដាច់គេក្នុងលោក

2017-11-10 04:22:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមវិបសាយ DxOMark ដែលជាអ្នកជំនាញខាងដាក់ពិន្ទុគុណភាពរូបភាពរបស់កាមេរ៉ា បានបង្ហាញថាបច្ចុប្បន្ននេះមានស្មាតហ្វូនចំនួន ៦ ម៉ូដែល ដែលមានបំពាក់កាមេរ៉ាសមត្ថភាពខ្លាំងលើសគេ។ ស្មាតហ្វូនទាំង ៦ ម៉ូដែលនោះមានដូចខាងក្រោម ៖

១. Google Pixel 2 មានពិន្ទុ ៩៨

Google Pixel 2 និង 2 XL នៅតែមានកាមេរ៉ាតែមួយគ្រាប់ប៉ុណ្ណោះ ដោយមានទំហំ ១២ MP, Aperture f/1.8 និងមានបច្ចេកវិទ្យា Dual Pixel Focus។ DxOMark បានវាយតម្លៃថាកាមេរ៉ា Pixel 2/2 XL អាចធ្វើការបានយ៉ាងល្អនៅពេលថតរូបដោយប្រើមុខងារ HDR+។ លើសពីនេះកាមេរ៉ារបស់វាថែមទាំងអាចថតរូបប្រភេទច្បាស់មុខព្រាលក្រោយ ដូចជាស្មាតហ្វូនដែលមានកាមេរ៉ាពីរគ្រាប់ដែរ។

ពេលថតវីដេអូ កាមេរ៉ា ប្រើទាំងបច្ចេកវិទ្យា OIS និង EIS ដែលអាចរក្សាលំនឹងបានយ៉ាងល្អ។

វីដេអូខាងឆ្វេងមិនប្រើ OIS និង EIS និងខាងស្ដាំមានប្រើ OIS និង EIS

២. Apple iPhone X មានពិន្ទុ ៩៧

iPhone X បានបង្កើតសមត្ថភាពលើការថតរូប Zoom, កាត់បន្ថយ Noise បានល្អជាង iPhone 8 Plus ហើយការរូប HDR ក៏ធ្វើបានល្អដែរ។ ជាពិសេសនោះគឺសមត្ថភាពថត Portrait Mode ដែលមានគុណភាពល្អ។ ប៉ុន្តែចំពោះការថតរូបប្រភេទ Low-Light រូបភាពដែលផលិតចេញមកមាន Noise ច្រើន និងមិនសូវដិត។

ចំពោះការថតរូប DxOMark បានឲ្យ iPhone X ចំនួន ១០២ ពិន្ទុ ក្លាយជាស្មាតហ្វូនថតរូបបានស្អាតជាងគេ។ ចំណែកការថតវីដេអូវិញទទួលបានត្រឹមតែ ៨៩ ពិន្ទុប៉ុណ្ណោះ។

៣. Huawei Mate 10 Pro មានពិន្ទុ ៩៧

មូលហេតុចម្បងមួយដែល Huawei Mate 10 Pro ទទួលបានពិន្ទុខ្ពស់បែបនេះ ដោយសារកាមេរ៉ាភ្លោះផលិតដោយ Leica របស់វា អាចថតរូបភាព Low-Light បានយ៉ាងល្អបំផុត។ DxOMark បានលើកឡើងថាមុខងារ Wide Aperture Mode របស់ Mate 10 Pro អាចថតរូបច្បាស់មុខព្រាលក្រោយ បានប្រសើរជាង iPhone 8 Plus ទៅទៀត។

ចំពោះការថតវីដេអូ Mate 10 Pro ក៏ទទួលបានការសរសើរលើសមត្ថភាពអាច Focus ដោយស្វ័យប្រវត្តិបានលឿន និងច្បាស់ល្អ។

៤. iPhone 8 Plus បាន ៩៤ ពិន្ទុ

សមត្ថភាពថតរូបរបស់ iPhone 8 Plus ទទួលបាន ៩៦ ពិន្ទុ និងការថតវីដេអូទទួលបាន ៨៩ ពិន្ទុ។ iPhone 8 Plus ទទួលបានការសរសើរលើ Exposure, Contrast, ការបាញ់ពន្លឺ, ពណ៌, សមត្ថភាពរក្សាលំនឹង OIS និង Autofocus រួមទាំងសមត្ថភាព Zoom និងការថត Portrait Mode ផងដែរ។

ខាងឆ្វេងថតបើក Flash លើ iPhone 7 Plus និងខាងស្ដាំលើ iPhone 8 Plus

៥. Galaxy Note 8 បាន ៩៤ ពិន្ទុ

ពេល iPhone X មិនទាន់ចេញ Galaxy Note 8 ធ្លាប់គ្រងតំណែងជាស្មាតហ្វូនថតរូបបានស្អាតលើសគេដោយបាន ១០០ ពិន្ទុពី DxOMark ដោយសារអាចថតរូបភាពដែលមានលក្ខណៈលម្អិត, Autofocus បានច្បាស់ និងលឿន។ ចំពោះការថតវីដេអូវិញ Galaxy Note 8 បានតែ ៨៤ ពិន្ទុប៉ុណ្ណោះ។