កុំឲ្យអស់ថ្លៃសាំង! មកដឹងឲ្យច្បាស់ផ្លូវរថយន្តក្រុងសារធាណទាំង ៩ខ្សែនៅភ្នំពេញ

2017-11-10 07:02:11
ចំនួនមតិ 0 | ចំនួនចែករំលែក 0

ចន្លោះមិនឃើញ

សេវារថយន្តក្រុងសាធារណៈកំពុងដំណើរការជារៀងរាល់ថ្ងៃ តាំងបីព្រឹកទល់យប់ និងមានប្រជាពលរដ្ឋមួយចំនួនធំកំពុងប្រើប្រាស់ ដើម្បីកាត់បន្ថយការចំណាយលើសោហ៊ុយធ្វើដំណើរ ក៏ដូចជាបញ្ចៀសការកកស្ទះចរាចរណ៍។ ប៉ុន្តែចំនួនអ្នកប្រើប្រាស់សេវារថយន្តក្រុងនៅតែមានចំនួនតិចនៅឡើយ បើទោះបីជាសាលារាជធានីភ្នំពេញបន្ថែមរថយន្តក្រុងដល់ទៅ៩៨គ្រឿង ជាជំនួយឥតសំណងរបស់រដ្ឋាភិបាលប្រទេសចិនក៏ដោយ។ ថ្ងៃនេះសប្បាយសូមលម្អិតកាន់តែច្បាស់ពីតម្រាយផ្លូវរថយន្តក្រុង ដើម្បីប្រជាពលរដ្ឋងាយស្រួលស្វែងរកជាមធ្យោបាយធ្វើដំណើរដូចខាងក្រោមនេះ៖

ខ្សែរត់ទី១៖ ពីចំណតគីឡូម៉ែត្រលេខ៩ ដល់ចំណត់បឹងឈូក

ចេញពីគីឡូម៉ែត្រលេខ៩ ដល់ចំណតបឹងឈូក ដោយឆ្លងកាត់ផ្លូវជាតិលេខ៥ រង្វង់មូលស្តាតចាស់ មហាវិថីព្រះមុនីវង្ស ផ្សារច្បារអំពៅ កំណាត់ផ្លូវជាតិលេខ១ ស្ថានីយចំណតបឹងឈូក។

ខ្សែទីរត់២៖ ពីផ្សារអ៊ីនអនទី២ ដល់ក្រុងតាខ្មៅ

ចេញពីចំណតរថយន្តផ្សារទំនើបអ៊ីអនទី២ តាមផ្លូវឧកញ៉ា ម៉ុង ឫទ្ធី ស្តុបកាំកូស៊ីធី អង់តែនទួលគោក ផ្លូវលេខ៧០ រង្វង់មូលកួចកាណុង ផ្លូវលេខ៤៧ វត្តភ្នំ មហាវិថីព្រះនរោត្ដម ស្ពានអាកាសក្បាលថ្នល់ ផ្លូវជាតិលេខ២ ដល់ក្រុងតាខ្មៅខេត្តកណ្ដាល។

ខ្សែរត់ទី៣៖ ចេញពីចំណតសួនច្បារឫស្សីកែវ ដល់បុរីសន្តិភាព២

ចេញពីចំណតសួនច្បារឫស្សីកែវ ផ្លូវជាតិលេខ៥ រង្វង់មូលកួចកាណុង ផ្លូវលេខ៤៧ វត្តភ្នំ មហាវិថីព្រះនរោត្ដម ផ្លូវលេខ១៣០ ផ្សារធំថ្មី មហាវិថីកម្ពុជាក្រោម ស្ពានអាកាស៧មករា មហាវិថីសហព័ន្ធរុស្ស៊ី រង្វង់មូលចោមចៅ ផ្លូវជាតិលេខ៣ ដល់ចំណតបុរីសន្តិភាព២។

ខ្សែរត់ទី៤ A៖ ពីសួនច្បារឫស្សីកែវ ដល់បុរីសន្តិភាព២

ចេញពីចំណតសួនច្បារឫស្សីកែវ ផ្លូវជាតិលេខ៥ រង្វង់មូលកួចកាណុង ផ្លូវលេខ៤៧ វត្តភ្នំ មហាវិថីព្រះនរោត្ដម ផ្លូវលេខ១៣០ ផ្សារធំថ្មី វិថីហ្សាលឌឺហ្គោល ស្តុបនាងគង្ហីង ស្តុបអាងទឹកអូឡាំពិក វិថីព្រះមុន្នីរ៉េត កាត់មុខផ្សារដើមគរ ស្ពានអាកាសស្ទឹងមានជ័យ ផ្លូវវ៉េងស្រេង ស្តុបអាងទឹកកាណាឌីយ៉ា ផ្សារទួលពង្រ ដល់ចំណតបុរីសន្តិភាពទី២។

ខ្សែរត់ទី៤ B៖ ពីសួនច្បារឫស្សីកែវ ដល់តំបន់សេដ្ឋកិច្ចពិសេសភ្នំពេញ

ចេញពីចំណតសួនច្បារឫស្សីកែវ ផ្លូវជាតិលេខ៥ រង្វង់មូលកួចកាណុង ផ្លូវលេខ៤៧ វត្តភ្នំ មហាវិថីព្រះនរោត្ដម ផ្លូវលេខ១៣០ ផ្សារធំថ្មី វិថីហ្សាលឌឺហ្គោល ស្តុបនាងគង្ហីង ស្តុបអាងទឹកអូឡាំពិក វិថីព្រះមុន្នីរ៉េត កាត់មុខផ្សារដើមគរ ស្ពានអាកាសស្ទឹងមានជ័យ ផ្លូវវ៉េងស្រេង រង្វង់មូលចោមចៅ ផ្លូវជាតិលេខ៤ ដល់តំបន់សេដ្ឋកិច្ចពិសេសភ្នំពេញ។

ខ្សែរត់ទី៥៖ ពីផ្សារអ៊ីអន២ ដល់ផ្សារអ៊ីអន១

ចេញពីចំណតផ្សារអ៊ីអន២ តាមផ្លូវលេខ១០០៣ បត់ឆ្វេងតាមផ្លូវលេខ១៩៦៦ ឆ្ពោះទៅផ្លូវលេខ ៥៩៨ ផ្លូវលេខ៣៣៧ បត់ស្ដាំតាមផ្លូវលេខ៥៦៦ សាលាបឋមសិក្សាពៅអ៊ុំទួលគោក វិថី គីម អ៊ីលស៊ុង កាត់ក្រោមស្ពានអាកាស៧មករា មហាវិថីម៉ៅសេទុង ស្តុបបូកគោ ស្តុបជលផល វិថីសុធារស ដល់ចំណតផ្សារអ៊ីអន១។

ខ្សែរត់ទី៦៖ ពីផ្សារបុរីរុងរឿង ដល់ផ្សារសេនជូរីផ្លាហ្សា

ចេញពីផ្សារបុរីរុងរឿង ផ្លូវជាតិលេខ៦ ក្រោមស្ពានជ្រោចង្វា រង្វង់មូលកួចកាណុង ផ្លូវលេខ៧០ អង់តែនទួលគោក ស្តុបកាំកូស៊ីធី ផ្លូវឧកញ៉ា ម៉ុង ឫទ្ធី ផ្លូវសម្ដេច ជា ស៊ីម បត់ឆ្វេងតាមផ្លូវឧកញ៉ា ទ្រី ហេង ដល់មហាវិថីសហព័ន្ធរុស្ស៊ី បត់ឆ្វេង ឆ្ពោះទៅដល់ចំណតផ្សារសេនជូរីផ្លាហ្សា។

ខ្សែរត់ទី៧ A៖ ពីគីឡូម៉ែត្រលេខ៩ ដល់ផ្សារអ៊ីអន១

ចេញពីចំណតគីឡូម៉ែត្រលេខ៩ ផ្លូវជាតិលេខ៥ ផ្លូវលេខ៥៩៨ ស្ពានអាកាស៧មករា ផ្លូវលេខ២៧១ បត់តាមមហាវិថីទេពផន ផ្សារដេប៉ូ កាត់ស្តុបនាងគង្ហីង តាមផ្សារអូឫស្សី បត់ស្ដាំតាមមហាវិថីព្រះមុនីវង្ស បត់ឆ្វេងតាមមហាវិថីព្រះសីហនុ មហាវិថីព្រះនរោត្ដមបត់ឆ្វេងតាមវិថីឧកញ៉ា ជ្រុនយូហាក់ វិថីព្រះសុធារស ដល់ចំណតផ្សារអ៊ីអនទី១។

ខ្សែរត់ទី៧ B៖ ពីគីឡូម៉ែត្រលេខ៩ ដល់ផ្សារច្បារអំពៅ

ចេញពីចំណតគីឡូម៉ែត្រលេខ៩ ផ្លូវជាតិលេខ៥ ផ្លូវលេខ៥៩៨ ស្ពានអាកាស៧មករា ផ្លូវលេខ២៧១ កាត់ស្ពានអាកាសស្ទឹងមានជ័យ ផ្លូវលេខ២៧១ ស្តុបក្បាលថ្នល់ ឆ្លងកាត់ស្ពានព្រះមុនីវង្ស ដល់ចំណតផ្សារច្បារអំពៅ។

ខ្សែរត់ទី៨៖ ពីគីឡូម៉ែត្រលេខ៩ ដល់ផ្សារបុរីរុងរឿង

ចេញពីចំណតគីឡូម៉ែត្រលេខ៩ ផ្លូវជាតិលេខ៥ ឆ្លងកាត់ស្ពានព្រែកព្នៅ ផ្លូវក្រវាត់ក្រុងទី៣ ផ្លូវជាតិលេខ៦ ដល់ចំណតផ្សារបុរីរុងរឿង។

ខ្សែរត់ទី៩៖ ពីបុរីសន្តិភាព២ ដល់តំបន់សេដ្ឋកិច្ចពិសេសភ្នំពេញ

ចេញពីចំណតបុរីសន្តិភាព២ ផ្លូវជាតិលេខ៣ សួនឧស្សាហកម្មវឌ្ឍនៈ២ ផ្លូវប្រទះឡាង តំបន់សេដ្ឋកិច្ចពិសេសភ្នំពេញ ត្រឡប់មកបុរីសន្តិភាព២វិញ៕

សូមប្រជាពលរដ្ឋមើលផែនទីខាងក្រោមនេះ៖