កីឡាករចេញប្រកួតច្រើនបំផុតក្នុងប្រវត្តិសាស្ត្របាល់ទាត់ កំពុងត្រូវបានគេវ៉ាកំណត់ត្រាហើយ
- 2017-11-11 02:58:35
- ចំនួនមតិ 0 | ចំនួនចែករំលែក 0
កីឡាករចេញប្រកួតច្រើនបំផុតក្នុងប្រវត្តិសាស្ត្របាល់ទាត់ កំពុងត្រូវបានគេវ៉ាកំណត់ត្រាហើយ
ចន្លោះមិនឃើញ
កំណត់ត្រាកីឡាករបង្ហាញខ្លួនច្រើនបំផុតក្នុងប្រវត្តិសាស្ត្របាល់ទាត់ ជិតត្រូវបានវ៉ាដោយអ្នកចាំទី វ័យ ៤៩ ឆ្នាំ មកពីក្លឹបមិនមែនអាជីពរបស់ប្រទេសអង់គ្លេសក្នុងក្របខ័ណ្ឌUnited Counties League Premier Division។
Paul Bastock បានតាមស្មើកំណត់ត្រាចូលលេងច្រើនបំផុតក្នុងពិភពបាល់ទាត់របស់អតីតអ្នកចាំទីអង់គ្លេស Peter Shilton ចំនួន ១ ២៤៩ ប្រកួត ហើយលោកនឹងបង្ហាញខ្លួនលើកទី ១ ២៥០ នៅថ្ងៃសៅរ៍នេះ។
Paul Bastock បានចំណាយពេលប្រមាណ៣ទសវត្សដើម្បីប្រកបអាជីពបាល់ទាត់ ទម្រាំបានបង្កើតកំណត់ត្រាថ្មីសម្រាប់ពិភពលោក។ Bastock ក្រៅពីអាជីពបាល់ទាត់ លោកក៏ជាម្ចាស់ក្រុមហ៊ុនសេវាកម្មសម្អាតបង្អួច ហើយប្រវត្តិរូបបាល់ទាត់របស់លោកមិនអាចយកទៅប្រៀបនឹង Shilton បានទេ។
Shilton ដែលធ្លាប់ជាកំពូលកីឡាករតាំងពី World Cup ក្នុងឆ្នាំ ១៩៨៦ ប៉ុន្តែ Bastock បាននិយាយថាអ្វីដែលធ្វើឲ្យលោក មានការតាំងចិត្តរហូតបំបែកកំណត់ត្រា Shilton បានព្រោះប្រពន្ធលោកតែងនៅពីក្រោយខ្នងហើយប្រាប់ថា "ព្យាយាមបំបែកកំណត់ត្រា Shilton ឲ្យបាន"។