២០១៧ ជាឆ្នាំកម្ពុជាយីអ៊ុនដាក់ខ្លាំង ឈ្នះតែ១ប្រកួតគត់ ហើយថយអ្នកគាំទ្រទៀត
- 2017-11-16 02:19:09
- ចំនួនមតិ 0 | ចំនួនចែករំលែក 0
២០១៧ ជាឆ្នាំកម្ពុជាយីអ៊ុនដាក់ខ្លាំង ឈ្នះតែ១ប្រកួតគត់ ហើយថយអ្នកគាំទ្រទៀត
ចន្លោះមិនឃើញ
ក្នុងឆ្នាំ២០១៧នេះ ក្រុមបាល់ទាត់ជម្រើសជាតិកម្ពុជាអស់ប្រកួតបាត់ហើយ ក្រោយពីប្រកួតចុងក្រោយចាញ់ក្រុមហ្សកដានី ១-០ កាលពីថ្ងៃទី១៤ខែវិច្ឆិកាឆ្នាំ២០១៧កន្លងទៅនេះ។
ហាក់មកលទ្ធផលនៃការប្រកួតពេញ១ឆ្នាំនេះវិញ កម្ពុជាហាក់ដូចជាមិនគាប់ប្រសើរនោះទេ ពោលគឺគិតទាំងប្រកួតផ្លូវនិងមិត្តភាពទៅ ៩ប្រកួត ឈ្នះបានតែ១ប្រកួតប៉ុណ្ណោះ ដោយឈ្នះក្រុមអាហ្វហ្គានីស្ថានក្នុងលទ្ធផល ១-០។ ផ្ទុយទៅវិញ ការចាញ់វិញនោះ គឺហាក់ដូចជាច្រើនៗដែរ តួយ៉ាងដូចប៉ះហ្សកដានីកាលពីជើងទី១កន្លងទៅ ចាញ់ក្នុងលទ្ធផល ៧-០ និងចាញ់វៀតណាម ៥-០។
តួលេខនេះ បានបញ្ជាក់ថាកម្ពុជាឆ្នាំ២០១៧ មិនដូចកាលឆ្នាំ២០១៦ទេ ដែលកាលគ្រានោះ ក្រុមគោព្រៃអាចយកជ័យជម្នះជូនអ្នកគាំទ្រសប្បាយរីករាយច្រើន។ មួយវិញទៀត បើទោះជាបរាជ័យក៏មិនបរាជ័យច្រើនគ្រាប់ដូចឆ្នាំនេះដែរ ។
កត្តាទាំងអស់នេះហើយ ក៏បានធ្វើឱ្យសន្ទុះនៃការគាំទ្រធ្លាក់ចុះផងដែរនៅឆ្នាំ២០១៧នេះ តួយ៉ាងកាលពីឆ្នាំ២០១៦កន្លងទៅ អ្នកគាំទ្រកម្ពុជាទោះជាប្រកួតលក្ខណៈមិត្តភាពឬយ៉ាងទេ អាចនិយាយបានថាមកគាំទ្រពេញៗកីឡដ្ឋានតែម្ដង។ តែសម្រាប់ឆ្នាំនេះវិញ សន្ទុះអ្នកគាំទ្រថមថយ ព្រោះការប្រកួតអ្នកគាំទ្រអាចដឹងមុន ឬគ្មានភាពសប្បាយចំពោះពួកគេទេ។
ជាឧទាហរណ៍អ្នកគាំទ្របាល់ទាត់ធ្លាប់បានប្រាប់មកខាង Sabay ថាពួកគេពិតជាចង់ឃើញការប្រកួតកម្ពុជានិងទទួលបានជ័យជម្នះខ្លាំងណាស់។ តែបើការប្រកួតដែលចាញ់ ចាញ់ ងើបមុខមិនរួចយ៉ាងនេះ ពួកគេអាចនៅគាំទ្រពីផ្ទះវិញក៏បាន មិនចាំបាច់មកដល់ពហុកីឡដ្ឋានជាតិទេ។ ក្រុមកម្ពុជាលេងជាមួយក្រុមខ្លាំង ពិតជាល្អ បើទោះជាបរាជ័យឬឈ្នះក៏ដោយ ប៉ុន្តែត្រូវគិតពីលទ្ធផលសម្រាប់អ្នកគាំទ្រផង។ ការចាញ់រហូតពេក អាចធ្វើឱ្យស្មារតីគាំទ្ររបស់អ្នកគាំទ្រមួយចំនួនធ្លាក់ចុះជាមិនខាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
