និយាយគ្នាយូរថ្ងៃមុន តើ Neymar និង Rashford និយាយគ្នាពីអី?
- 2017-11-16 13:29:13
- ចំនួនមតិ 0 | ចំនួនចែករំលែក 0
និយាយគ្នាយូរថ្ងៃមុន តើ Neymar និង Rashford និយាយគ្នាពីអី?
ចន្លោះមិនឃើញ
កាលពីថ្ងៃទី ១៤ ខែវិច្ឆិកាកន្លងទៅនេះ ជម្រើសជាតិអង់គ្លេស បានប៉ះជាមួយប្រេស៊ីល នៅកីឡដ្ឋាន Wembly ក្នុងជំនួបមិត្តភាព ដោយការប្រកួតបានបញ្ចប់ក្រោមលទ្ធផល ០ ទល់នឹង ០។ ប៉ុន្តែ អ្វីដែលគួរឲ្យចាប់អារម្មណ៍នោះ គឺនៅពេលកីឡាករមកជម្រើសជាតិទាំងពីរកំពុងតម្រង់ជួរត្រៀមប្រកួត ខ្សែប្រយុទ្ធ Neymar និង Marcus Rashford ត្រូវបានគេសង្កេតថា បានចាប់ដៃ សើច និងនិយាយជាមួយគ្នាយ៉ាងយូរ បង្កជាមន្ទិលយ៉ាងខ្លាំង។
ទោះជាយ៉ាងណា មន្ទិលទាំងអស់នេះ ត្រូវបានបំភ្លឺហើយក្នុងថ្ងៃនេះ។ បើតាមសារព័ត៌មានដ៏ល្បីឈ្មោះ Metro បានឲ្យដឹងថា Neymar និង Rashford បាននិយាយគ្នាអំពីអាកាសធាតុនៅអង់គ្លេសនាពេលនោះ។នេះជាការសន្ទនារបស់កីឡាករទាំងពីរនៅពេលនោះ៖ Neymar៖ "សុខសប្បាយទេ?” Rashford៖ "ហ្នឹងហើយ សុខ។ ហើយនៅអង់គ្លេសបានប៉ុន្មានថ្ងៃហើយហ្នឹង? ហើយទៅវិញពេលណា?” Neymar៖ "ថ្ងៃស្អែកទៅវិញហើយ"។ Rashford៖ "ទៅហើយ?” Neymar៖ "ហ្នឹងហើយ ទៅហើយ"។ Rashford៖ "ត្រជាក់ដល់ហើយ"។ Neymar៖ "ហ្នឹងហើយ ថ្ងៃនេះត្រជាក់ណាស់"។ Rashford៖ "ប៉ុណ្ណឹងមិនសូវអីទេ។ ជាធម្មតាត្រជាក់ជាងហ្នឹងផង"។ Neymar៖ "ខ្ញុំមិនចូលចិត្តអាកាសធាតុត្រជាក់ទេ"។ Rashford៖ (សើច) "អាកាសធាតុនៅទីនេះមិនមែនសម្រាប់ឯងទេអ៊ីចឹង"។ Neymar៖ (សើច) "ទេ ប៉ុន្តែវាត្រជាក់មែន"។
សូមបញ្ជាក់ផងដែរថា ដោយសមត្ថភាពនិយាយអង់គ្លេសនៅមានកម្រិត Neymar កម្រនិយាយភាសាអង់គ្លេសនៅតាមទីសាធារណៈ ឬតាមសន្និសីទសារព័ត៌មានផ្សេងៗណាស់ ខណៈខ្សែប្រយុទ្ធវ័យក្មេង Rashford ក៏មិនចេះភាសាព័រទុយហ្គាល់ដែរ។ ទោះជានេះក្ដី របាំងភាសានេះមិនអាចរារាំងកីឡាករទាំងពីរនិយាយគ្នាឡើយ ដោយ Neymar និយាយអង់គ្លេសទៅកាន់ Rashford មុន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
