Ronaldinho៖ ខ្ញុំនៅតែបន្តគាំទ្រ Messi បើសិនជាគេនឹងចេញពី Barca មែន

2017-11-16 14:36:20
ចំនួនមតិ 0 | ចំនួនចែករំលែក 0

ចន្លោះមិនឃើញ

វីរបុរសបាល់ទាត់ Ronaldinho ក្នុងថ្ងៃនេះបាននិយាយថា ខ្លួននៅតែបន្តគាំទ្រ Lionel Messi បើសិនគេនឹងសម្រេចចិត្តចាកចេញពី Barcelona នៅថ្ងៃណាមួយពិតមែន។

អតីតខ្សែបម្រើប្រេស៊ីលបានថ្លែងទៅកាន់សារព័ត៌មាន Goal ថា៖ "វាពិតជាពិបាកណាស់សម្រាប់ខ្ញុំក្នុងការនិយាយអំពីរឿងនេះ (រឿង Messi ចាកចេញពី Barca) ពីព្រោះ គេជាមិត្តជិតស្និទ្ធរបស់ខ្ញុំ។ ក្នុងនាមជាមិត្តជិតស្និទ្ធរបស់គេ ខ្ញុំតែងតែសប្បាយចិត្ត ពេលឃើញគេរីករាយ"។

វីរបុរសបាល់ទាត់រូបនេះបានបន្តទៀតថា៖ "ប្រសិនជាចិត្តរបស់គេចង់ទៅលេងឲ្យក្លឹបផ្សេងមែន ខ្ញុំនឹងនៅតែបន្តគាំទ្ររូបគេអ៊ីចឹង បើទោះជាខ្ញុំជាឯកអគ្គរាជទូតរបស់ Barca យ៉ាងណាក៏ដោយ។ ប៉ុន្តែខ្ញុំសង្ឃឹមថា គេនឹងបន្តនៅក្លឹបមួយនេះតទៅទៀត។ ទោះជាទៅលេងនៅទីណាក៏ដោយ ក៏គេតែងតែនាំមកនូវភាពខុសប្លែកជានិច្ចឲ្យក្រុម"។

រំឭកថា Ronaldinho និង Lionel Messi ធ្លាប់ចំណាយពេលជាង ៤រដូវកាលលេងជាមួយគ្នានៅក្លឹបអ្នកមានបុណ្យ Barcelona មុនពេលអតីតខ្សែបម្រើប្រយុទ្ធប្រេស៊ីលរូបនេះបានចាកចេញទៅក្លឹបអ៊ីតាលី AC Milan កាលពីឆ្នាំ ២០០៨។ កាលពីដើមឆ្នាំនេះ Ronaldinho បានត្រលប់មកក្លឹប Barca ជាថ្មីម្ដងទៀត បន្ទាប់ពីត្រូវបានតែងតាំងជាឯកអគ្គរាជទូតថ្មីនៃក្លឹបមួយនេះ៕

ប្រភព៖ Goal ប្រែសម្រួល៖ ហ៊ីម រស្មី