អាកាសយានដ្ឋានកម្ពុជា ទទួលស្វាគមន៍គណៈប្រតិភូចូលរួមពិព័រណ៍ទេសចរណ៍អន្តរជាតិកម្ពុជា ២០១៧ លើកទី១
- 2017-11-17 03:40:51
- ចំនួនមតិ 0 | ចំនួនចែករំលែក 0
អាកាសយានដ្ឋានកម្ពុជា ទទួលស្វាគមន៍គណៈប្រតិភូចូលរួមពិព័រណ៍ទេសចរណ៍អន្តរជាតិកម្ពុជា ២០១៧ លើកទី១
ចន្លោះមិនឃើញ
ដើម្បីទទួលគណៈប្រតិភូ និងអបអរការចូលរួមរបស់ភ្ញៀវអន្តរជាតិលំដាប់អ្នកវិនិយោគ និងម្ចាស់ក្រុមហ៊ុនធំៗជាច្រើន ដែលធ្វើការក្នុងវិស័យទេសចរណ៍ និងបានអញ្ជើញមកពីបណ្តាលប្រទេសអាស៊ាន បូក៣ និងបណ្តាលប្រទេសជាច្រើនទៀត អាកាសយានដ្ឋានកម្ពុជា បានរៀបចំអាហារពេលល្ងាច យ៉ាងឱឡារិក ទទួលស្វាគមន៍គណៈប្រតិភូទាំងអស់ដែលនឹងចូលរួមពិព័រណ៍អន្តរជាតិកម្ពុជា ២០១៧ លើកទី១។
ពិធីនេះក៏មានការអញ្ជើញក្រោមអធិបតិភាពរបស់ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងមានការអញ្ជើញចូលរួមពីតំណាងមន្ត្រីក្រសួង អជ្ញាធរពាក់ព័ន្ធ ព្រមទាំងផ្នែកឯកជន ក្នងវិស័យទេសចរណ៍ នៅល្ងាចថ្ងៃទី ១៦ ខែ វិច្ឆិកា ឆ្នាំ ២០១៧ នៅសណ្ឋាគារ លំដាប់ផ្កាយ ៥ ឡឺ មេរីឌៀន អង្គរ រីស៊ត ប្រកបដោយភាតរភាព។
ឯកឧត្តម ថោង ខុន ក៏បានថ្លែងសារស្វាគមន៍ ការចូលរួមយ៉ាងច្រើនកុះករពីសំណាក់ភ្ញៀវអន្តរជាតិ ភ្ញៀវជាតិ និងអ្នកសារព័ត៌មានអន្តរជាត និងជាតិ ដែលនឹងចូលរួមក្នុងកម្មវិធីដ៏មានសារៈសំខាន់ ក្នុងការផ្សព្វផ្សាយពីទេសចរណ៍នៅកម្ពុជា។ ពិសេស ឯកឧត្តម ក៏ សូមថ្លៃអំណរអរគុណ ដល់ឯកឧត្តមរដ្ឋមន្ត្រីទេសចរណ៍នៃសាធារណៈរដ្ឋឥណ្ឌូនេស៊ី ដែលបានចូលរួមក្នុងកម្មវិធីជាតិរបស់កម្ពុជា។
គួរបញ្ជាក់ផងដែរថា កម្មវិធីលំដាប់ថ្នាក់ជាតិ ដែលមានតែមួយនេះ ត្រូវបានរៀបចំឡើងដោយ ក្រសួងទេសចរណ៍ សហការណ៍ជាមួយក្រុមហ៊ុន Slickbooth ដែលនឹងប្រព្រឹត្តិទៅចាប់ពីថ្ងៃទី ១៧ ខែ វិច្ឆិកា ឆ្នាំ ២០១៧ នេះរហូតដល់ ថ្ងៃទី ២០ ខែឆ្នាំដដែរ ដែលមានទីតាំងនៅសណ្ឋាគារសុខាអង្គររីស៊ត ខេត្តសៀមរាប។
ចុចអាន៖