អាហារទាំង៥ ជួយពន្លឿនការរំលាយអាហារ ល្អបំផុតសម្រាប់សុខភាព

2017-11-17 23:29:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរំលាយអាហារបានល្អមានន័យថារាងកាយរបស់អ្នកអាចដុតកាឡូរីបានច្រើនដោយមានប្រសិទ្ធភាព ចំណែកឯការរំលាយអាហារមិនបានល្អមានន័យថារាងកាយរបស់អ្នកត្រូវការពេលវេលាច្រើនដើម្បីរំលាយអាហារ។ ប៉ុន្តែអ្នកក៏អាចជួយអោយការរំលាយអាហារបានលឿនជាងមុនតាមរយៈការបរិភោគអាហារត្រឹមត្រូវ និងការហាត់ប្រាណអោយបានទៀងទាត់។

ខាងក្រោមនេះគឺជាអាហារ ៥ ប្រភេទជួយពន្លឿនការរំលាយអាហារ ៖

១. បន្លែបៃតង

បន្លែបៃតងទាំងអស់មិនត្រឹមតែសម្បូរទៅដោយជាតិដែកនិងជីវជាតិសំខាន់ៗនោះទេ តែវាក៏មានផ្ទុកសារធាតុម៉្យាងដែលជួយពន្លឿនដល់ការរំលាយអាហារផងដែរ។

២. តែបៃតង

កាសែតរបស់អាមេរិក Clinical Nutrition បានរកឃើញថាសារធាតុមាននៅក្នុងតែបៃតងអាចជួយពន្លឿនការរំលាយអាហារ ៤% បន្ថែមក្នុងរយៈពេល ២៤ម៉ោង។ អ្នកជំនាញបាននិយាយថា "ការផឹកតែបៃតង ៣ ទៅ ៥ កែវ ក្នុងមួយថ្ងៃអាចជួយដុតរំលាយជាតិខ្លាញ់ ៧០កាឡូរីបន្ថែម"។

៣. ត្រី

គ្រប់គ្នាប្រាកដជាដឹងហើយថា ត្រីសម្បូរជាតិ អូមេហ្គា៣ ដែលមានសារៈសំខាន់សម្រាប់រាងកាយនិងខួរក្បាល។ ការញ៉ាំត្រីមិនត្រឹមតែអាចជួយពន្លឿនការរំលាយអាហារប៉ុណ្ណោះទេ តែវាក៏ជាអាហារដែលឆ្ងាញ់ផងដែរ។

៤. ប្រេងដូង

អ្នកជំនាញបាននិយាយថា "ប្រេងដូងផ្ទុកអាស៊ីដដែលងាយបម្លែងទៅជាថាមពលសម្រាប់ជួយពន្លឿនការរំលាយអាហារ និងមិនសូវមានផ្ទុកជាតិខ្លាញ់នោះទេ ហើយវាក៏អាចជួយដល់ក្រពេញទីរ៉ូអីតផងដែរ។

៥. ទឹកចម្រាញ់ពីផ្លែប៉ោម

ទឹកចម្រាញ់ពីផ្លែប៉ោម ត្រូវបានទទួលស្គាល់ថាអាចជួយជួសជុលកោសិកា និងជួយពន្លឿនការរំលាយអាហារ។ វាត្រូវបានគេណែនាំឱ្យញ៉ាំជាមួយទឹកក្រូចឆ្មារ ម្សៅ Cinnamon ម្សៅ Cayenneនិង ទឹក ឃ្មុំ សុទ្ធ៕

ប្រភព៖ health ប្រែសម្រួល៖ សុភារ័ត្ន