តែប៉ុន្មាននាទី iPhone X លក់អស់ខ្ទេច នៅទឹកដី Samsung

2017-11-19 02:21:37
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone X បានចាប់ផ្ដើមទទួលបើកការកុម្ម៉ង់ទិញនៅកូរ៉េខាងត្បូងជាផ្លូវការកាលពីថ្ងៃសុក្រ ទី ១៧ កន្លងទៅ។

បើតាម SK Telecom ក្រុមហ៊ុនសេវាទូរសព្ទដ៏ធំមួយរបស់កូរ៉េខាងត្បូងបានបញ្ជាក់ថា ក្នុងពេលតែ ៣ នាទី ស្តុកសម្រាប់ផ្គត់ផ្គង់ការកុម្ម៉ង់ទិញ iPhone X បានហ្មត់ខ្ទេច។ ធៀបនឹង iPhone 7 កាលពីឆ្នាំមុន ត្រូវប្រើពេល ២០ នាទីទើបអស់ស្តុកសម្រាប់ការកុម្ម៉ង់ទិញ។

SK Telecom ឲ្យដឹងដែរថាបរិមាណនៃ iPhone X ដែលខ្លួនមានសម្រាប់ការកុម្ម៉ង់ទិញ មានតិចជាងពាក់កណ្ដាលនៃបរិមាណ iPhone 8 ដែលលក់នៅកូរ៉េខាងត្បូងកាលពីដើមខែនេះ។ ដោយឡែកក្រុមហ៊ុនសេវាទូរសព្ទផ្សេងដូចជា KT Corp. បាននិយាយថា iPhone X របស់ខ្លួនចំនួន ២០ ០០០ គ្រឿងក៏បានលក់អស់ដែរ ក្នុងពេល ៥ នាទី។

មន្ត្រីរបស់ក្រុមហ៊ុនសេវាទូរសព្ទមួយបានលើកឡើងថា ៖ "ទំនិញ (iPhone X) ដែលមានក្នុងស្តុកគឺតិចតួចមែនទែនសម្រាប់ផ្គត់ផ្គង់តម្រូវការរបស់អតិថិជន។ ចំពោះទំនិញដែលនឹងមកដល់បន្ថែមគេក៏មិនទាន់ច្បាស់ពីបរិមាណរបស់វាដែរ”។

អ្នកតាមដានសហគ្រាសស្មាតហ្វូនបានប៉ាន់ស្មានថា iPhone X សម្រាប់ទុកឲ្យកុម្ម៉ង់ទិញនៅកូរ៉េខាងត្បូងមានប្រហែល ១៥០ ០០០ គ្រឿង តិចជាងចំនួន iPhone 8 ដែលមានលើសពី ២០០ ០០០ គ្រឿង។

iPhone X ទំហំ ៦៤ GB លក់នៅកូរ៉េខាងត្បូងមានតម្លៃ ១,៣៦ លានវ៉ុន (ប្រមាណ ១ ២៣៧ ដុល្លារ) និងទំហំ ២៥៦ GB តម្លៃ ១,៥៥ លានវ៉ុន (ប្រមាណ ១ ៤១៦ ដុល្លារ)។ តម្លៃនេះឃើញថាខ្ពស់គួរសមបើប្រៀបនឹងតម្លៃនៅសហរដ្ឋអាមេរិកដែលមានចាប់ពី ៩៩៩ ដុល្លារឡើងទៅ៕

ប្រភព៖ GSMarena ប្រែសម្រួល៖ សុខហេង

ពាក្យទាក់ទង

iPhone X

អត្ថបទពេញនិយម

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤