យុវតីវ័យ ១៤ ឆ្នាំបាត់បង់ជីវិត ព្រោះខ្សែសាក iPhone រហែក
- 2017-11-19 02:58:14
- ចំនួនមតិ 0 | ចំនួនចែករំលែក 0
យុវតីវ័យ ១៤ ឆ្នាំបាត់បង់ជីវិត ព្រោះខ្សែសាក iPhone រហែក
ចន្លោះមិនឃើញ
កាលពីថ្មីៗនេះយុវតីវ័យ ១៤ ឆ្នាំមួយរូបនៅប្រទេសវៀតណាមបានឆក់ចរន្តអគ្គិសនី ដោយសារតែខ្សែសាក iPhone ដែលដាច់រហែកដោតជាប់នឹង iPhone 6។
សមត្ថកិច្ចបានប៉ាន់ស្មានថាយុវតីឈ្មោះ Le Thi Xoan បានដោតសាកទូរសព្ទរបស់ខ្លួនដោយប្រើខ្សែសាកហ្សីន ហើយបានទុកវានៅលើគ្រែដូចដែលនាងបានធ្វើរាល់យប់។ ខ្សែសាកនោះទៀតសោតបានរហែកបណ្ដាលឲ្យខ្សែភ្លើងលៀនចេញមកក្រៅ ហើយពេលដែលនាត្រឡប់ខ្លួនក៏បានប៉ះនឹងកន្លែងរហែកនេះ បណ្ដាលឲ្យឆ្លងចរន្តអគ្គិសនី។ ឪពុកម្ដាយរបស់ Xoan បានឃើញនាងគេងសន្លប់បាត់ស្មារតី រួចក៏ប្រញាប់ប្រញាល់បញ្ជូនទៅមន្ទីរពេទ្យ ប៉ុន្តែមិនអាចសង្គ្រោះយុវតីរូបនេះបាននោះទេ។
រឿងហេតុខាងលើនេះអាចជាមេរៀនមួយសម្រាប់អ្នកប្រើប្រាស់ស្មាតហ្វូនទាំងអស់ដែលកំពុងប្រើខ្សែសាកដាច់រហែក ប្រសិនបើឃើញថាមានរហែកត្រង់កន្លែងណា គួរបោះវាចោលភ្លាមទៅ៕