បង្ហាញនារីខ្មែរ១រូបនៅពីក្រោយការបង្កើតកម្មវិធី Miss Global លំដាប់ថ្នាក់ពិភពលោក
- 2017-11-19 04:25:00
- ចំនួនមតិ 0 | ចំនួនចែករំលែក 0
បង្ហាញនារីខ្មែរ១រូបនៅពីក្រោយការបង្កើតកម្មវិធី Miss Global លំដាប់ថ្នាក់ពិភពលោក
ចន្លោះមិនឃើញ
ពិតជាមានមោទនភាពខ្លាំងបំផុតដែលនារីខ្មែរមួយរូប ជាអ្នកផ្ដួចផ្ដើមគំនិតនៅពីក្រោយការបង្កើតកម្មវិធីលំដាប់ថ្នាក់ពិភពលោក Miss Global ។
ថ្លែងក្នុងសន្និសីទសារព័ត៌មានល្ងាចមិញនៅសណ្ឋាគារសុខា កញ្ញា សុគន្ធា ហៅថា Tea Mak ជាកូនខ្មែរមួយរូបដែលធំធាត់ឡើងនៅលើទឹកដីអាមេរិក បានរៀបរាប់ថា មុនដំបូងឡើយកញ្ញាគ្រាន់តែជាមនុស្សម្នាក់ចាំជួយផ្ដល់គំនិតយោបល់ទៅលើការបង្កើតកម្មវិធីលំដាប់ថ្នាក់ពិភពលោក Miss Global តែប៉ុណ្ណោះ។ ប៉ុន្តែពេលនេះមិនដូចពេលមុនឡើយព្រោះកញ្ញា បានប្រែក្លាយខ្លួនឯងទៅជា CEO មួយរូបដឹកនាំក្នុងកម្មវិធី Miss Global ។
ក្រោយពីទទួលបានតំណែងជាប្រធានដឹកនាំក្នុងកម្មវិធីលំដាប់ថ្នាក់ពិភពលោកខាងលើនេះមកកញ្ញា Tea Mak បានសម្រេចចិត្ត យកកម្ពុជា ធ្វើជាម្ចាស់ផ្ទះ ដើម្បីរៀបចំកម្មវិធី Miss Global 2017 នេះឡើងហើយចំពោះហេតុផលដែលធ្វើឲ្យកញ្ញាជ្រើសរើសកម្ពុជាធ្វើទីតាំងក្នុងការប្រកួតដោយសារតែ កញ្ញាគឺជាកូនខ្មែរ។ ដូច្នេះចង់បង្ហាញអ្វីដែលខ្មែរមានទៅកាន់ពិភពលោក។
កញ្ញានិយាយថា៖“ចាសខ្ញុំជ្រើសរើសកម្ពុជាធ្វើជាម្ចាស់ម្ចាស់ផ្ទះ ព្រោះប្រទេសកម្ពុជា ជាប្រទេសដើមកំណើតរបស់ឪពុកម្ដាយខ្ញុំ ហើយអ្វីដែលពិសេសជាងនេះទៅទៀតគឺខ្ញុំចង់បង្ហាញវប្បធម៌ និងអរិយធម៌ដែលខ្មែរយើងមានទៅកាន់ពិភពលោកខាងក្រៅ"។
នៅឆ្នាំក្រោយកញ្ញា Tea Mak នឹងជ្រើសរើសប្រទេសផ្សេងទៀតក្នុងតំបន់អាស៊ី ធ្វើជាម្ចាស់ផ្ទះក្នុងការប្រកួត Miss Global តែមិនមែនកម្ពុជានោះទេ។ ប្រទេសត្រូវជ្រើសសម្រាប់ការប្រកួតឆ្នាំ ២០១៨ មានដូចជា ថៃ ចិន ម៉ាឡេស៊ី ជាដើម។
គួរបញ្ជាក់ថាកម្មវិធីប្រឡងបវរកញ្ញា Miss Global ឆ្នាំ២០១៧ កម្ពុជា ជាម្ចាស់ផ្ទះត្រូវបានបញ្ចប់កាលពីរាត្រីថ្ងៃទី ១៧ ឈានចូល១៨ ក្នុងនោះបវរកញ្ញាមកពីប្រទេសប្រេស៊ីល Barbara Vitorelli បានគ្រងមកុដ Miss Global ប្រចាំឆ្នាំ២០១៧៕
ឈុតប៊ីគីនីស្រស់ស្អាតអ្នកជាប់២០នាក់ចុងក្រោយពី Miss Global 2017
ពិសេសមែនទែន! រកឃើញម្ចាស់មកុដ Miss Global ឆ្នាំ២០១៧
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
