Moyes ចាញ់ ២-០ នៅថ្ងៃវិលទៅធ្វើជាអ្នកចាត់ការទូទៅវិញ
- 2017-11-20 02:11:55
- ចំនួនមតិ 0 | ចំនួនចែករំលែក 0
Moyes ចាញ់ ២-០ នៅថ្ងៃវិលទៅធ្វើជាអ្នកចាត់ការទូទៅវិញ
ចន្លោះមិនឃើញ
West Ham United បន្តងើបមុខមិនរួចក្រោយចាញ់ Watford ២ ទល់នឹង០ ក្រោមការដឹកនាំរបស់អ្នកចាត់ការទូទៅថ្មី David Moyes។
David Moyes ជាអ្នកចាត់ការមានបទពិសោធន៍ជោកជាំមួយរូបនៅ Premier League ធ្លាប់ដឹកនាំនៅ Everton, Manchester United, Sunderland និងបច្ចុប្បន្នគឺ West Ham United សរុបលោកគ្រាប់ដឹកនាំ៥០០ប្រកួតហើយនៅក្របខ័ណ្ឌដ៏មានប្រជាប្រិយភាពរបស់ពិភពលោកមួយនេះ។
ក្រុមរហស្សនាមថាញញួរធំទើបបណ្ដេញ លោក Slaven Bilic ចេញពីតំណែងកាលពីដើមខែវិច្ឆិកាក្រោយដឹកនាំក្រុមមិនបានល្អសោះ។ យ៉ាងណាវត្តមានរបស់គ្រូថ្មីក៏មិនទាន់មានពន្លឺសម្រាប់ West Ham នៅឡើយ ដោយសារបរាជ័យក្រោមថ្វីដៃ Watford ធ្វើឲ្យពួកគេស្ថិតនៅលេខ១៨ក្នុងតារាងជាចំណាត់ថ្នាក់ដែលត្រូវកាត់ចេញពី Premier League។
ការប្រកួតកាលពីយប់មិញខ្សែបម្រើសញ្ជាតិអង់គ្លេស Will Hughes និង ខ្សែប្រយុទ្ធ Richarlison ជាអ្នករក៣ពិន្ទុឲ្យ Watford នៅនាទី ១១ និង៦៨។ ជ័យជម្នះនេះធ្វើឲ្យក្រុមលោក Marco Silva ឈរលេខ៨ក្នុងតារាងលីគកំពូលអង់គ្លេសមាន១៨ពិន្ទុក្រោយលេងបាន១២ប្រកួត៕