Kevin de Bruyne៖ យើងនឹងគាបសង្កត់គ្រប់ក្រុមទាំងអស់

2017-11-20 03:37:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Kevin de Bruyne និងក្រុម Manchester City ទាំងមូលបានបង្ហាញទម្រង់លេងយ៉ាងល្អបំផុតនៅរដូវកាលនេះដែលពិបាកនឹងមានក្រុមណាអាចយកឈ្នះបាន។

De Bruyne

បើតាមតារាឆ្នើមសញ្ជាតិបែលហ្សិកឲ្យដឹងថាប្រព័ន្ធលេងបច្ចុប្បន្នគឺជាអ្វីដែលអ្នកចាត់ការទូទៅ Pep Guardiola ទាមទារចង់បាន ហើយនឹងបន្តលេងបែបនេះទល់នឹងគ្រប់ក្រុមទាំងអស់ដែលពួកគេត្រូវលេងប្រឈម។

City កំពុងឈរទីកំពូលតារាង Premier league យ៉ាងមានក្ដីសុខក្រោយដាច់ក្រុមលេខ២ Manchester United រហូតដល់៨ពិន្ទុ។ Bruyne ជឿជាក់ថាទម្រង់លេងដ៏គ្រោះថ្នាក់របស់លោក Pep នឹងបង្កការគំរាមកំហែង មិនថាគូប្រជែងខ្លាំងប៉ុនណាក៏ដោយ។

ខ្សែបម្រើប្រយុទ្ធវ័យ២៦ឆ្នាំនិយាយថា៖ "របៀបប្រយុទ្ធរបស់ក្រុមផ្ដល់ភាពងាយស្រួលដល់កីឡាករទាំងអស់ពិសេសគឺរូបខ្ញុំ។ គ្រប់គ្នាត្រូវតែដឹងពីតួនាទី និងគុណភាពរបស់ខ្លួន។ កន្លងមកទម្រង់លេងរបស់ក្រុមទទួលបានការសរសើរ ជាការពិតក្រុមនីមួយៗមានរបៀបលេងខុសៗគ្នា ប៉ុន្តែអ្នកនិយមបាល់ទាត់ចូលចិត្តមើលការលេងរបស់យើង"៕