គ្រាន់តែចូលសណ្ឋាគារម្ដងៗ តារាទាំងនេះដូរឈ្មោះប្លែកៗដល់ហើយ
- 2017-11-20 08:00:00
- ចំនួនមតិ 0 | ចំនួនចែករំលែក 0
គ្រាន់តែចូលសណ្ឋាគារម្ដងៗ តារាទាំងនេះដូរឈ្មោះប្លែកៗដល់ហើយ
ចន្លោះមិនឃើញ
ជាការពិតណាស់ តារាល្បីៗភាគច្រើនស្នាក់នៅសណ្ឋាគារនៅពេលដែលពួកគេធ្វើដំណើរកម្សាន្តម្ដងៗ។ ប៉ុន្តែការស្នាក់នៅនេះ អាចធ្វើឲ្យពួកគេប្រឈមនៅហានិភ័យខ្ពស់ពីសំណាក់អ្នកគាំទ្រ ឬក៏ការតាមដានពីបណ្ដាអ្នកព័ត៌មានផ្សេងៗ។
ហេតុដូចនេះ ទើបបានជាតារាល្បីភាគច្រើនបានក្លែងឈ្មោះរបស់ពួកគេដោយប្ដូរទៅជាឈ្មោះប្លែកៗ ចម្លែកៗគួរឲ្យចាប់អារម្មណ៍ ដើម្បីបញ្ចៀសបញ្ហាណាមួយដែលអាចកើតឡើង។
១. តារាចម្រៀង Beyoncé
នៅពេលដែលបិទបាំងអត្តសញ្ញាណនាងម្ដងៗ តារាចម្រៀងរូបនេះបានជ្រើសរើសយកឈ្មោះណាដែលមនុស្សទូទៅប្រើប្រាស់ច្រើន គឺឈ្មោះ "Ingrid Jackson" ។
២. តារាទូរទស្សន៍ Kim Kardashian
ពេលចុះឈ្មោះស្នាក់នៅក្នុងសណ្ឋាគារ តារាស្រីរូបនេះ បានជ្រើសរើសយកឈ្មោះតួអង្គស្រីក្នុងរឿងតុក្កតាមួយដែលនាងចូលចិត្ត "Princess Jasmine" មកក្លែងបន្លំដើម្បីកុំឲ្យមានការតាមដានណាមួយពីរូបនាង។
៣. តារាសម្ដែង Brad Pitt
កាលនៅជាគូស្នេហ៍របស់ Angelina តារាសម្ដែងរូបនេះ បានដាក់បង្កើតឈ្មោះថ្មីរាល់ពេលលោកចុះឈ្មោះនៅសណ្ឋាគារម្ដងៗ ដោយដាក់ឈ្មោះលោក និងលោកស្រី Angelina ម្នាក់ពាក់កណ្ដាល ដោយហៅថា ”Bryce Pilaf" ។
៤. តារាសម្ដែង Angelina Jolie
នៅពេលដែលតារាសម្ដែងរូបនេះ ធ្វើដំណើរកម្សាន្តតែឯង នាងតែងតែដាក់ឈ្មោះខ្លួននាងថា "Miss Lollipop" ។
៥. តារាចម្រៀង Michael Jackson
"Dr. Doolittle" ជាឈ្មោះដែលស្ដេចចម្រៀងប៉ុបរូបនេះបានដាក់រាល់ពេលដែលលោកស្នាក់នៅសណ្ឋាគារ។
៦. តារាចម្រៀង Justin Timberlake
លោក Timberlake តែងតែហៅខ្លួនលោកថា "Mr. Woodpond" រាល់ពេលនៅក្នុងសណ្ឋាគារ។
៧. តារាចម្រៀង Justin Bieber
តារាចម្រៀងរូបនេះ បានដាក់ឈ្មោះក្លែងក្លាយដោយយកតាមតារាក្នុងរឿងកំប្លែងប្រវត្តិសាស្ត្រ “Chandler Bing” ។
៨. តារាចម្រៀង Britney Spears
តារាចម្រៀងរូបនេះត្រូវបានគេដឹងថា ដាក់ឈ្មោះរបស់នាងថា "Ms. Alotta Warmheart" ឬក៏ "Mrs. Diana Prince" ដោយដាក់តាមព្រះនាង Diana។
៩. តារាសម្ដែង Tom Cruise
តារាសម្ដែងដ៏ល្បីល្បាញរូបនេះ បានប្ដូរឈ្មោះរបស់លោកទៅជា “Cage Hunt” នៅពេលដែលលោកចុះឈ្មោះស្នាក់នៅសណ្ឋាគារ។
១០. តារាសម្ដែង Johnny Depp
លោក Johnny Depp ចូលចិត្តធ្វើអ្វីប្លែកៗ សូម្បីតែឈ្មោះក្លែងក្លាយរបស់លោកនៅក្នុងសណ្ឋាគារក៏ចម្លែកដែរ ដូចជាឈ្មោះ “Mr. Drip Noodle, Mr. Oddpong និង Mr. Stench” ៕