ដឹងអីខ្លះ មុនកាន់លុយទៅទិញ iPhone X លក់ជាផ្លូវការស្រុកយើងខានស្អែកនេះ

2017-11-22 05:05:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្អែកនេះ iPhone X នឹងចាប់ផ្ដើមចេញលក់ជាផ្លូវការក្នុងប្រទេសកម្ពុជា។ ដោយឡែកមិនថាអ្នកគាំទ្រក្នុងស្រុក និងក្រៅស្រុក កំពុងទន្ទឹងការមកដល់ទូរសព្ទត្រកូលថ្មីនេះ ស្របពេលមានដំណឹងជាហូរហែថា iPhone X លក់ដាច់ខ្លាំងតាមបណ្តាប្រទេសជាច្រើន សូម្បីនៅកូរ៉េជាទឹកដីធំរបស់ Samsung ក៏មានការគាំទ្រមិនធម្មតាដែរ។

តើអ្នកដឹងអីខ្លះ មុនវានឹងចេញលក់ជាផ្លូវការនៅខានស្អែកនេះ?

ក្រុមហ៊ុនជាដៃគូចែកចាយ

នៅប្រទេសកម្ពុជា មានក្រុមហ៊ុន ៣ ដែលទទួលបានសិទ្ធិនាំចូលទូរសព្ទ iPhone លក់ជាផ្លូវការពី Apple។

Smart ជាប្រតិបត្តិករទូរសព្ទចល័តជាដៃគូផ្ដាច់មុខរបស់ក្រុមហ៊ុន Apple ក្នុងការនាំ iPhone មកលក់ក្នុងទីផ្សារកម្ពុជា។
Falcon ទើបតែបានប្រកាសជាដៃគូថ្មីមួយទៀត ដែលទទួលសិទ្ធិលក់ផលិតផល Apple នៅក្នុងទីផ្សារកម្ពុជា។
iOne ក៏ជាដៃគូរបស់ Apple ដែលមានលក់ផលិតផល Apple ជាច្រើន ហើយ iOne បាននាំមកលក់ iPhone ជាច្រើនជំនាន់ ប៉ុន្តែសម្រាប់ iPhone X នៅមិនទាន់មានដំណឹងពីក្រុមហ៊ុននេះនៅឡើយទេ។

តម្លៃ

Smart បានប្រកាសដាក់លក់ iPhone X ម៉ូដែល Space Grey និង Silver ជាមួយអង្គចងចាំ 64GB លក់ក្នុងតម្លៃ 1228 ដុល្លារ និងអង្គចងចាំ 256GB លក់ក្នុងតម្លៃ 1408 ដុល្លារ។ ចំណែកក្រុមហ៊ុនដទៃទៀត មិនទាន់បញ្ជាក់ពីតម្លៃលក់នៅឡើយទេ។

ចំនួនមានកំណត់

ដោយសារ iPhone X ទទួលការគាំទ្រខ្លាំង ដូច្នេះស្តុកលក់មានកំណត់៕

បញ្ជាក់ថា៖ iPhone X នឹងចេញលក់ជាផ្លូវការ គឺថ្ងៃទី២៤ ខែវិច្ឆិកា ឆ្នាំ២០១៧ ហើយព័ត៌មានបន្ថែម Sabay នឹងផ្សាយជូនជាបន្តបន្ទាប់៕