DIGITEKH អ្នកស្រលាញ់បច្ចេកវិទ្យា រកអីមានហ្នឹង

2017-11-22 10:02:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Sabay Digital Plus នឹងរៀបចំកម្មវិធី DIGITEKH (ឌីជីថិច) រយៈពេលពីរថ្ងៃ នៅថ្ងៃទី០២ និងទី០៣ ខែធ្នូ ឆ្នាំ២០១៧ ចាប់ពីម៉ោង ៨ ព្រឹក ដល់ម៉ោង ៦ ល្ងាច នៅអគារសហសិក្សាសម្តេចអគ្គមហាសេនាបតីតេជោ ហ៊ុន សែន ដែលស្ថិតក្នុងបរិវេណវិទ្យាស្ថានបច្ចេកវិទ្យាកម្ពុជា (សាលាតិចណូ)។

ជាលើកដំបូងដែល Sabay Digital Plus បានរៀបចំកម្មវិធីនេះឡើង ក្នុងគោលបំណងប្រមូលផ្តុំក្រុមហ៊ុនលក់ផលិតផល និងសេវាកម្មដែលផ្ដោតលើផ្នែកឌីជីថល។

កម្មវិធីនេះគោលដៅធំ ក៏ដើម្បីត្រួសត្រាយផ្លូវ និងចូលរួមលើកកម្ពស់ដល់អាជីវកម្មបង្កើតថ្មី បង្កើតឱកាសដល់យុវជន និងពលរដ្ឋទូទៅ ដែលចូលចិត្តផ្នែកបច្ចេកវិទ្យាបានស្គាល់ បានជាវផលិតផល និងសេវាកម្មនានាក្នុងតម្លៃពិសេស។

DIGITEKH មានផលិតផលនិងសេវាកម្ម ដែលនាំមកដោយក្រុមហ៊ុនក្នុងស្រុកល្បីៗមិនថាផ្នែកអេឡិចត្រូនិក កុំព្យូទ័រ ទូរសព្ទដៃ កាមេរ៉ា ក្រុមហ៊ុនព័ត៌មានវិទ្យា ក្រុមហ៊ុនសេវាកម្មអ៊ីនធឺណិត ក្រុមហ៊ុនទូទាត់សាច់ប្រាក់ ធនាគារ ក្រុមហ៊ុនឌីជីថល និងក្រុមហ៊ុនដែលមានប្រតិបត្តិការផ្តោតកម្មវិធីលើទូរសព្ទ។

មិនអស់ទេ នៅមានច្រើនទៀតដែលអ្នកនឹងទទួលបានលើសពីអ្វីដែលអ្នកចង់បាន សម្រាប់ការចូលរួមកម្មវិធីទាំងមូល។

ចូលរួមដោយសេរី នៅថ្ងៃទី០២ និង០៣ ខែធ្នូ ឆ្នាំ២០១៧ នៅសាលាតិចណូ ដើម្បីទទួលយកអត្ថប្រយោជន៍ថ្មីៗក្នុងកម្មវិធី DIGITEKH។

អត្ថបទ៖ ប៊ុណ្ណារ៉ា