នៅ សុនីតា បោះចោលឱកាសព្រោះបញ្ហាសុខភាព
- 2017-11-23 07:22:39
- ចំនួនមតិ 0 | ចំនួនចែករំលែក 0
នៅ សុនីតា បោះចោលឱកាសព្រោះបញ្ហាសុខភាព
ចន្លោះមិនឃើញ
ជំងឺខ្វះជាតិស្ករ កំពុងកើតមានឡើងចំពោះតារាសម្ដែងរូបស្រស់ កញ្ញានៅ សូនីតា។ ព្រោះតែបញ្ហាសុខភាពនេះធ្វើឲ្យមហាជនមិនសូវបានទស្សនាទេពកោសល្យសម្ដែង ទាំងកាយវិការ និងទឹកមុខដ៏ស្រទន់របស់កញ្ញាឡើយ។
តារាសម្ដែងស្រស់សោភា នៅ សូនីតា ប្រាប់ Sabay ថា នាងមិនរើសអើងការងារទេ តែនាងខ្លាចបំពេញការងារមិនបានល្អ ហើយធ្វើឲ្យខាតប្រយោជន៍ទាំងកញ្ញា និងក្រុមហ៊ុន ព្រោះជាញឹកជាប់នាងតែងតែអស់កម្លាំង ងងឹតមុខក្អួត នៅពេលហត់នឿយ។ នាងមិនហ៊ានចុះកុងត្រាថតខ្សែភាពយន្តភាគណាដែលមានទៅដល់ ៤៥ ទៅ៥០ភាគនោះទេ ។
នៅ សូនីតា ថា «បញ្ហា ទី១ខ្ញុំ មានជំងឺខ្វះជាតិស្ករ ពេលខ្ញុំសម្ដែងច្រើន ធ្វើឲ្យខ្ញុំងងឹតមុខ ក្អួត អញ្ចឹងទៅខ្ញុំហ៊ានទទួលរឿងភាគខ្លីដែលមានត្រឹម៣០ ទៅ៣៥ភាគខ្ញុំថតបានតែបើច្រើនដល់៤៥ទៅ៥០ភាគខ្ញុំមិនហ៊ានទេ! ព្រោះវាត្រូវចំណាយពេលយូរ។ ពេលខ្ញុំមានបញ្ហាទៅ ខាតពេលវេលាក្រុមផលិតករ ។ ពេលខ្លះខ្ញុំមានអារម្មណ៍ថា ស្ដាយការងារខ្ញុំបោះបង់ការងារច្រើនណាស់ តែធ្វើយ៉ាងម៉េចបើសុខភាពយើងមិនសូវល្អ»។
កញ្ញានៅសូនីតា បញ្ជាក់ថា ជារៀងរាល់ព្រឹក នាងត្រូវញ៉ាំកាល់ស្យ៉ូម ព្យាយាមគេង និងញ៉ាំឲ្យបានគ្រប់គ្រាន់ និងមិនធ្វើការឲ្យហួសកម្លាំង ព្រោះដើម្បីឲ្យមានសុខភាពល្អឡើងវិញ។ តារាស្រីរូបនេះទើបតែត្រលប់មកពីសម្តែងនៅប្រទេសអូស្ត្រាលីថ្មីៗនេះ។ បច្ចុប្បន្នការងារដែលនាងមាន គឺថតចម្រៀងកាយវិការជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
