ទីស្នាក់ការ BMW មានបង្កប់អត្ថន័យពិសេសបំផុតទាក់ទងរថយន្ត
- 2017-11-23 23:20:00
- ចំនួនមតិ 0 | ចំនួនចែករំលែក 0
ទីស្នាក់ការ BMW មានបង្កប់អត្ថន័យពិសេសបំផុតទាក់ទងរថយន្ត
ចន្លោះមិនឃើញ
BMW Tower ជាទីស្នាក់ការក្រុមហ៊ុនរថយន្ត BMW មានទីតាំងនៅទីក្រុង Munich ប្រទេសអាល្លឺម៉ង់ ដែលមានរចនាបថយ៉ាងពិសេសបំផុត និងបានបើកដំណើរការជាង ៤០ ឆ្នាំមកហើយ។ ខាងក្រោមជារឿងរ៉ាវគួរចាប់អារម្មណ៍ខ្លះៗទាក់ទងនឹងទីស្នាក់ការដ៏មហិមានេះ ៖
១. អគារកម្ពស់ ១០១ ម៉ែត្រនេះត្រូវបានសាងសង់ឡើងនៅចន្លោះឆ្នាំ ១៩៦៨ និង ១៩៧២ ហើយបានបើកសម្ពោធនៅថ្ងៃទី ១៨ ខែឧសភា ឆ្នាំ ១៩៧៣។
២. រូបរាងខាងក្រៅរបស់អគារ ត្រូវបានឌីហ្សាញដោយយកគំរូតាមទ្រង់ទ្រាយស៊ីឡាំងរថយន្តបួន ក្នុងម៉ាស៊ីនរថយន្ត ដោយមានអគារសារមន្ទីរមួយទៀតតំណាងឲ្យក្បាលស៊ីឡាំង។
៣. អំឡុងពេលសាងសង់ ជាន់នីមួយៗត្រូវបានគេសាងសង់នៅជាន់ផ្ទាល់ដី បន្ទាប់មកទើបស្ទូចដាក់ជាជាន់ៗ។ អគារនេះមានសរុប ២២ ជាន់ ដោយមានពីរជាន់ជាជាន់នៅក្រោមដី និង ១៨ ជាន់ជាការិយាល័យធ្វើការ។
៤. អគាររាងស៊ីឡាំងទាំងបួន មិនបានស្ថិតនៅជាប់ដីនោះទេ ដោយពឹងផ្អែកលើអគារកណ្ដាលមួយ។
៥. ដោយសារមានរចនាបថពិសេស អគារទាំងពីរត្រូវបានគេចុះបញ្ជីជាអគារប្រវត្តិសាស្ត្រនៅឆ្នាំ ១៩៩៩ ដើម្បីធ្វើការអភិរក្ស។
៦. នៅឆ្នាំ ២០០៧ BMW Welt ដែលជាទីតាំងសម្រាប់តាំងបង្ហាញរថយន្ត BMW ត្រូវបានសាងសង់ឡើង នៅទល់មុខនឹង BMW Tower តែម្ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
