អៀរឡង់សន្យាទារ ១៣ ប៊ីលានអឺរ៉ូពី Apple ឱ្យបានក្នុងរឿងបង់ពន្ធ
- 2017-11-23 14:47:54
- ចំនួនមតិ 0 | ចំនួនចែករំលែក 0
អៀរឡង់សន្យាទារ ១៣ ប៊ីលានអឺរ៉ូពី Apple ឱ្យបានក្នុងរឿងបង់ពន្ធ
ចន្លោះមិនឃើញ
នាយករដ្ឋមន្ត្រីរបស់ប្រទេសអៀរឡង់ឱ្យដឹងថា រដ្ឋាភិបាលនឹងព្យាយាមទារពន្ធឡើងវិញពី Apple បន្ទាប់ពីប្រើពេលជាង១ឆ្នាំចាប់តាំងពីនិយ័តករសហភាពអឺរ៉ុបបានបញ្ជាក្រុមហ៊ុនបច្ចេកវិទ្យាអាមេរិកឱ្យបង់ពន្ធរហូតដល់១៣ ប៊ីលានអឺរ៉ូបូកនឹងការប្រាក់ដែលមិនបង់ពន្ធ ។
នាយករដ្ឋមន្ត្រីអៀរឡង់លោក Leo Varadkar និយាយថា យើងបានបង្ហាញពួកគេ (Apple) ថា ពួកយើងត្រូវបង្កើតគណនីរក្សាទុកមួយ ហើយចង់ឱ្យមូលនិធិត្រូវបានបង់ចូលក្នុងគណនីនោះដោយមិនរង់ចាំការពន្យារពេលណាមួយឡើយ ។ កិច្ចសន្យានេះកើតមាន ស្របពេលសហភាពអឺរ៉ុបបានរិះគន់ខ្លាំងៗដល់ក្រុមអាជ្ញាធរប្រមូលពន្ធក្នុងក្រុង Dublin ថាបានចាត់វិធានការយឺតយ៉ាវ។
កាលពីខែមុនគណៈកម្មការសហភាពអឺរ៉ុបនិយាយថា ខ្លួនបានកោះហៅក្រុមអជ្ញារធររបស់ក្រុង Dublin ឱ្យចូលតុលាការយុត្តិធម៌អឺរ៉ុបជុំវិញរឿងពន្យាពេលប្រមូលពន្ធ ។ យ៉ាងណាមិញក្រុង Dublin បានចាត់ទុកការកោះអញ្ជើញរបស់គណៈកម្មការថាគឺជារឿងគួរឱ្យសោកស្តាយយ៉ាងខ្លាំងខណៈខ្លួនជិតបានរៀបចំគណនីសន្សំដើម្បីប្រមូលមូលនិធិទៅហើយ ។
ក្រុមហ៊ុន Apple ត្រូវបានបញ្ជាឱ្យបង់ពន្ធកាលពីថ្ងៃទី ៣ មករា មកម្ល៉េះប៉ុន្តែខ្លួនមិនបានធ្វើតាមការបង្គាប់នោះទេ ។ ទាំងភាគីប្រមូលពន្ធប្រទេសអៀរឡង់ និងអ្នកត្រូវបង់ពន្ធក្រុមហ៊ុន Apple បានបញ្ជាក់ពីសេចក្ដីសម្រេចដំបូងដោយអះអាងថាការដោះស្រាយបញ្ហាបង់ពន្ធកំពុងដំណើរការជាមួយរដ្ឋាភិបាលអៀរឡង់និងច្បាប់របស់សហភាពអឺរ៉ុប។
រដ្ឋាភិបាលអៀរឡង់និយាយថា ខ្លួនបានបន្តទំនាក់ទំនងជាមួយគណៈកម្មការ និងក្រុមហ៊ុនអាមេរិកជាង១ឆ្នាំមកហើយ ។ រដ្ឋមន្ត្រីហិរញ្ញវត្ថុរបស់អៀរឡង់លោក Paschal Donohoe និយាយថា រដ្ឋាភិបាលរបស់លោកកំពុងស្ថិតក្នុងចំណុចរសើបមួយក្នុងការពិភាក្សាជាមួយ Apple រឿងកំណត់រយៈពេលការបង់ពន្ធ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
