ចង់គេចពីវេបសាយបោកប្រាស់ ប្រាប់តែតិចដឹងតែសុវត្ថិភាព

2017-11-25 23:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចាយវាយនៅលើប្រព័ន្ធ អ៊ីនធឺណិតកំពុងមានការពេញនិយមយ៉ាងខ្លាំងនាពេលបច្ចុប្បន្ន។ ជាមួយគ្នានេះ ក៏មានជនឱកាសនិយមមួយចំនួន បានឆ្លៀតឱកាសបង្កើតគេហទំព័រ ដើម្បីបោកប្រាស់យកប្រាក់ពីអ្នកប្រើប្រាស់ដោយមិនដឹងខ្លួន។

ចៀសវាងបញ្ហានេះ Sabay សូមដកស្រង់គន្លឹះណែនាំខ្លះ ដើម្បីគ្នាយើងបានស្វែងយល់។

ទាក់ទងទៅនឹងវិធីសាស្ត្រក្នុងការមើលគេហទំព័រ បោកប្រាស់នេះ សាស្ត្រាចារ្យជំនាញព័ត៌មានវិទ្យាលោក កៀន តាក់ រៀបរាប់ប្រាប់ Sabay ថា ការបោកប្រាស់តាមអ៊ីនធឺណិតមានច្រើនវិធីណាស់។ អ្នកខ្លះប្រើវិធីកុហកមួយចំនួនឱ្យអ្នកប្រើអ៊ីនធឺណិតបំពេញ ព័ត៌មានសំខាន់ៗរបស់ខ្លួនចូលដូចជាលេខសំងាត់របស់ ATM ហើយពួកនោះក៏ចូលទៅលួចប្រាក់តែម្ដង។

ចំពោះគេហទំព័រដែលមិនស្គាល់ហើយចង់ទិញផលិតផលលើអ៊ីនធឺណិត បើចង់ដឹងថាគេហទំព័រនោះជាគេហទំព័រសុវត្ថិភាព ត្រូវពិនិត្យមើលថាគេហទំព័រនោះមាន SSL (Secure Sockets Layer )ដែរអត់? មានន័យថាប្រសិនបើគេហទំព័រមាន SSL ដូចនេះប្រព័ន្ធនោះនឹងជួយលាក់រាល់ព័ត៌មានផ្ទាល់ខ្លួន និងលេខកូដATM អ្នកបំពេញ។

ដើម្បីដឹងថាគេហទំព័រនោះមាន SSL ឬអត់ តាមធម្មតាពេលបើកគេហទំព័រដំបូងវាតែងផ្ដើម Address ដោយ http ប៉ុន្តែ គេហទំព័រដែលមានសុវត្ថិភាព ឬអាចឱ្យយើងទុកចិត្តបាននោះលុះត្រាតែគេហទំព័រនោះមាន Address ជា https។

សាស្ត្រាចារ្យ បង្រៀនជំនាញព័ត៌មានវិទ្យាច្រើនឆ្នាំរូបនេះនិយាយថា ការដែរ http មានអក្សរ S នៅខាងចុងនេះមិនមែនមានន័យថាម្ចាស់គេហទំព័រអាចដាក់បានដោយខ្លួនឯងនោះទេ ពោលគឺគេត្រូវបង់ថ្លៃនិងត្រូវឆ្លងកាត់ការត្រួតពិនិត្យយ៉ាងត្រឹមត្រូវ។ ករណីមួយទៀត មាន Website មួយចំនួនពេលបើកដំបូងវាមិនមានលោតជា http នោះទេ ប៉ុន្តែពេលចូលដល់ Linkចុះឈ្មោះ ឬព័ត៌មានអ្វីផ្សេង នោះ Link នោះនឹងលោតជា https វិញ។

ដើម្បីជាការបង្កើនសុវត្ថិភាពក្នុងការទិញលើអ៊ីនធឺណិត លោក កៀន តាក់ មានប្រសាសន៍ថា មុននឹងចុចលើ Link របស់គេហទំព័រមួយៗត្រូវមើលទៅលើ URL របស់គេហទំព័រនោះ ថាតើ Address របស់គេហទំព័រនោះត្រឹមត្រូវឬយ៉ាងណា? ហើយមិនត្រូវចុចលើ Link ផ្ដេសផ្ដាស ពិសេសមុននឹងបំពេញព័ត៌មានផ្ទាល់ខ្លួន ពិសេសអំពីលេខ ATM ត្រូវត្រួតពិនិត្យឱ្យបានត្រឹមត្រូវ ហើយត្រូវគិតថា Websiteនោះជាទីគួរទុកចិត្តដែរឬអត់ មុននឹងទិញអ្វីលើOnline?

អត្ថបទ៖ វណ្ណថេត

ពាក្យទាក់ទង

គន្លឹះខ្លីៗ ចំណេះដឹងបច្ចេកវិទ្យា

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ