រុស្ស៊ីបង្ហាញនាវាមុជទឹកសាហាវបំផុតលើពិភពលោក អាចបំផ្លាញទីក្រុងនានានៅចម្ងាយជិត ១០ ០០០ គ.ម

2017-11-26 04:09:33
ចំនួនមតិ 0 | ចំនួនចែករំលែក 0

ចន្លោះមិនឃើញ

នាវាមុជទឹករុស្ស៊ីប្រភេទថ្មីមួយ ដែលអាចបំផ្លាញទីក្រុងនានានៅចម្ងាយ ៩ ៣០០ គីឡូម៉ែត្រ ត្រូវបាន ដាក់បង្ហាញ។ នេះបើតាមប្រភពសារព័ត៌មានដេលីមែលកាលពីថ្ងៃទី ២៤ វិច្ឆិកា។

នាវាមុជទឹកឈ្មោះ Knyaz Vladimir ឬ “ព្រះអង្គម្ចាស់វ្ល៉ាឌីមៀរ” អាចបាញ់ក្បាលនុយក្លេអ៊ែររហូតដល់ ២០ គ្រាប់និងអាចមុជចុះក្រោមទឹកជម្រៅ ៤០០ ម៉ែត្រ ដែលធ្វើឱ្យរ៉ាដាចាប់វាស្ទើរតែមិនបាន។

យោងតាមរបាយការណ៍នៅក្នុងប្រព័ន្ធផ្សព្វផ្សាយរបស់រដ្ឋបានឱ្យដឹងថា នាវាមុជទឹកប្រភេទ Borei សរុបចំនួន ៨ គ្រឿងនឹងត្រូវសាងសង់ត្រឹមឆ្នាំ ២០២៥។

នាវាមុជទឹកទាំងអស់នេះនឹងមានសមត្ថភាពបាញ់ក្បាលគ្រាប់នុយក្លេអ៊ែរពី ៩៦ ទៅ ២០០ គ្រាប់ ដោយបង្កកម្លាំងផ្ទុះ ពី ១០០-១៥០ គីឡូតោន គឺខ្លាំងជាងគ្រាប់បែកទម្លាក់នៅហ៊ីរ៉ូស៊ីម៉ាដល់ទៅ ១០ ដងឯណោះ។

នាវាមុជទឹកប្រភេទ Borei II ឬ Borei-A នេះ ត្រូវបានដាក់ដំណើរការក្នុងអំឡុងពិធីដាក់ចុះក្នុងទឹកនៅឯរោងចក្រផលិតនាវា Sevmash Shipyards នៅទីក្រុងសេវើរ៉ូដវីន (Severodvinsk) ភាគខាងជើងនៃប្រទេសរុស្ស៊ី។

ការស្ថាបនានាវាមុជទឹកនេះបានចាប់ផ្តើមកាលពីខែកក្កដាឆ្នាំ ២០១២ ហើយវានឹងត្រូវប្រគល់ឱ្យកងទ័ពជើងទឹករុស្ស៊ីនៅឆ្នាំក្រោយ។ នៅពេលណាដែលវាត្រូវបានប្រគល់ឱ្យជាផ្លូវការ វានឹងក្លាយជានាវាមុជទឹកមីស៊ីលទំនើបបំផុតរបស់រុស្ស៊ី ដែលមិនធ្លាប់ល្បាតការពារនុយក្លេអ៊ែរពីមុនមក៕

ប្រភព ៖ rasmeinews.com