រុស្ស៊ីវាយប្រហារតាមអាកាសលើស៊ីរី សម្លាប់មនុស្សជាច្រើននាក់
- 2017-11-27 04:20:37
- ចំនួនមតិ 0 | ចំនួនចែករំលែក 0
រុស្ស៊ីវាយប្រហារតាមអាកាសលើស៊ីរី សម្លាប់មនុស្សជាច្រើននាក់
ចន្លោះមិនឃើញ
យ៉ាងហោចណាស់មានមនុស្ស ៥៣នាក់បានស្លាប់ក្នុងការវាយប្រហារតាមអាកាសរបស់រុស្ស៊ីនៅ ភាគខាងកើតភូមិ Al-Shafaប្រទេសស៊ីរី។ ភូមិនេះស្ថិតនៅក្នុងទីក្រុង Deir al-Zour ជាតំបន់ចុងក្រោយមួយដែលក្រុម ISIS កាន់កាប់។
អង្គការឃ្លាំមើលសិទ្ធិមនុស្សស៊ីរី (SOHR) ដែលមានមូលដ្ឋាននៅចក្រភពអង់គ្លេសបាននិយាយថាដំបូងឡើយមានមនុស្ស ៣៤ នាក់ត្រូវបានសម្លាប់ដោយការបាញ់ប្រហារមកលើអគារលំនៅឋាន ហើយ ២១ នាក់ក្នុងចំណោមអ្នកស្លាប់ទាំងអស់កាលពីព្រឹកថ្ងៃអាទិត្យគឺសុទ្ធតែជាកុមារ។
ប្រភពដដែលបានអះអាទៀតថា ចំនួនអ្នកស្លាប់បានកើនឡើងច្រើនទៀត បន្ទាប់ពីការរុះរើសំណល់អគារបែកបាក់។ ក្រុមឃ្លាំមើលនេះនិយាយថាមនុស្ស ១២០ នាក់ត្រូវបានសម្លាប់ចាប់តាំងពីកងទ័ពស៊ីរីបានចាប់ផ្ដើមការវាយលុកនៅទីនោះកាលពីជិតពីរសប្ដាហ៍មុន។
មុននេះប្រទេសរុស្ស៊ីបានបញ្ជាក់ថាយន្តហោះទម្លាក់គ្រាប់បែករយៈចម្ងាយឆ្ងាយរបស់ខ្លួនចំនួន ៦ គ្រឿងបានធ្វើការវាយប្រហារតាមអាកាសនៅក្នុងតំបន់នេះប៉ុន្តែពួកគេនិយាយថាការវាយប្រហារនេះ គឺសំដៅទៅលើពួកសកម្មប្រយុទ្ធ និងបន្ទាយរបស់ពួកគេប៉ុណ្ណោះ។
កិច្ចចរចាសន្តិភាពដែលគាំទ្រដោយអង្គការសហប្រជាជាតិត្រូវបានគេរំពឹងថានឹងបន្តនៅទីក្រុងហ្សឺណែវនៅសប្ដាហ៍ក្រោយ ប៉ុន្តែការចរចាមុនៗជាច្រើនត្រូវបានបរាជ័យ៕