អ្នកវិទ្យាសាស្រ្តបង្កាត់ពូជដង្កូវជោគជ័យលើដីមានល័ក្ខខ័ណ្ឌស្រដៀងលើភពអង្គារ
- 2017-11-29 13:28:58
- ចំនួនមតិ 0 | ចំនួនចែករំលែក 0
អ្នកវិទ្យាសាស្រ្តបង្កាត់ពូជដង្កូវជោគជ័យលើដីមានល័ក្ខខ័ណ្ឌស្រដៀងលើភពអង្គារ
ចន្លោះមិនឃើញ
អ្នកវិទ្យាសាស្ត្រមួយក្រុមនិយាយថា ពួកគេបានបង្កាត់ពូជដង្កូវដោយជោគជ័យក្នុងប្រភេទដីមានល័ក្ខខ័ណ្ឌស្រដៀងទៅនឹងដីលើភពអង្គារ (Mars) ដែលការពិសោធនេះជាជំហានឈានទៅរកការបង្កើតប្រព័ន្ធកសិកម្មប្រកបដោយនិរន្តរភាពនិងអាចឱ្យមនុស្សប្រើវាដើម្បីដាំដំណាំចិញ្ចឹមជីវិតបាន ។ ការពិសោធដឹកនាំដោយជីវះវិទូលោក Wieger Wamelink នៅឯសកលវិទ្យាល័យ Wageningen University & Research បានកំណត់មើលថាមនុស្សអាចចិញ្ចឹមជីវិតខ្លួនឯងបានដោយដាំដុះលើភពអង្គារ ។ Wieger Wamelink និយាយថា ដង្កូវដែលកែច្នៃឡើងវិញជាសារធាតុចិញ្ចឹមដូចជា ផូស្វ័រ និងនីដ្រូហ្សែនអាចផ្តល់ជីជាតិដល់ដីបង្កភាពងាយស្រួលក្នុងការដាំដំណាំ។ លោកបន្តថា ប្រព័ន្ធកសិកម្មលើភពអង្គារនឹងមានស្វ័យភាពគ្រប់គ្រាន់មានន័យថាការកែច្នៃឡើងវិញមានសារៈសំខាន់ ។
ដង្កូវដើរតួនាទីដ៏សំខាន់ធ្វើឱ្យដីមានជីជាតិមិនត្រឹមតែដីលើផែនដីនោះទេប៉ុន្តែក៏សំខាន់លើដីភពអង្គារ ឬព្រះចន្ទ ។ វាគឺជាព៏ត៌មានល្អសម្រាប់មនុស្សជាតិដែលចង់ទៅគ្រប់គ្រងភពអង្គារខណៈនាយកប្រតិបត្តិក្រុមហ៊ុន SpaceX លោក Elon Musk ធ្លាប់បង្ហាញពីគម្រោងបេសកកម្មបញ្ជូនយានដឹកទំនិញគ្មានមនុស្សបើកទៅកាន់ភពអង្គារនៅឆ្នាំ ២០២២ ហើយបញ្ជូនមនុស្សទៅរ់សនៅក្នុងឆ្នាំ ២០២៤ ។ យ៉ាងណាក៏ដោយ Wamelink បានព្រមានថា មានឧបសគ្គចម្បងមួយក្នុងការពិសោធពោលគឺដីដែលយកមកពិសោធនោះមិនដូចគ្នាទៅនឹងដីលើភពអង្គារទេដោយខ្វះសារធាតុគីមីពុលម្យ៉ាង perchlorate ដែលមានលើភពអង្គារ ៕ ប្រែសម្រួល៖ សិរីបុទ្រ ប្រភព៖ http://fortune.com/2017/11/28/worms-martian-soil-agriculture/
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
