Lexus LC 500 លេងពណ៌លឿងខ្ចីស្រស់ លក់តម្លៃជាង ១០០K

2017-11-30 03:11:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយមានព័ត៌មានជាច្រើនចុះផ្សាយពីវត្តមាន Lexus LC500 ពេលនេះរថយន្តរចនាយ៉ាងសម្រិតសម្រាំងពណ៌លឿងខ្ចីរបស់ក្រុមហ៊ុន Lexusបានបង្ហាញខ្លួនបង្អួតរាង កក្រើកពិព័រណ៍រថយន្តលំដាប់ពិភពលោក Motor Expo ប្រទេសថៃ។

រថយន្តស្ព័រប្រភេទទ្វារពីរឆ្នាំ ២០១៨ បំពាក់មកជាមួយម៉ាស៊ីនប្រភេទV8 ចំណុះ ៥ លីត្រ កម្លាំង ៤៧១ សេះ និងមានចង្កឹះលេខស្វ័យប្រវត្តិ ១០ វគ្គ (អាចប្រើជាលេខដៃអេឡិចត្រូនិក)។ ល្បឿនអតិបរមាគឺ ២៧០ គីឡូម៉ែត្រក្នុងមួយម៉ោង ហើយសន្ទុះពី ០ ដល់ ១០០ គីឡូម៉ែត្រក្នុងមួយម៉ោង ចំណាយពេលតែ ៤,៣ វិនាទីតែប៉ុណ្ណោះ។

ឡានទំនើបមួយនេះ គឺជាអ្នកបន្តតំណែងពីឡានស៊េរី LF-LC ដែលក្រុមហ៊ុនរថយន្តជប៉ុននេះបានបញ្ចេញកាលពីឆ្នាំ ២០១២។ កៅអីរបស់ឡាននេះត្រូវបានស្រោបដោយស្បែក Alcantara។ជាមួយដៃចង្កូតជ័រស្វិត និងមានបំពាក់ប៊ូតុងបញ្ជាមុខងារជាច្រើនសម្រាប់សម្រួលដល់ការបើកបរ ជាពិសេសមុខងារដោះដូរលេខ។

តម្លៃចេញលក់ផ្លូវការ Lexus LC500 ត្រូវបានដាក់លក់ក្នុងតម្លៃប្រមាណជា ១០ ម៉ឺនដុល្លារ៕