ជួយក្រុមអាក្បាលធំ កំពុងខ្វះកុំព្យូទ័រធ្វើការរចនាពុម្ពអក្សរខ្មែរ

2017-12-01 09:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកនៅ សំណាង ដែលអ្នកប្រើពុម្ភអក្សរខ្មែរជាច្រើនហៅក្រៅអាក្បាលធំ បានអំពាវនាវដល់សប្បុរសជនជួយថវិកា ដើម្បីទិញកុំព្យូទ័រមួយគ្រឿង សម្រាប់យកប្រើប្រាស់លើការងាររចនាពុម្ភអក្សរខ្មែរ។

លោកនៅ សំណាង ហៅក្រៅអាក្បាលធំ

ជួបជជែកជាមួយ Sabay នៅរសៀលនេះនៅក្បែររបងវិទ្យាល័យស៊ី សុវត្ថិ លោកនៅ សំណាង ហៅអាក្បាលធំ បានឲ្យដឹងថា រហូតដល់ពេលនេះ លោកទទួលបានថវិកាជិត ៤០០ ដុល្លារពីសប្បុរសជននានា ប៉ុន្តែមិនទាន់គ្រប់គ្រាន់ដែលឆ្លើយតបការចង់បានដែលក្រុមការងាររបស់លោក ត្រូវការកុំព្យូទ័រដ៏ល្អមួយគ្រឿង សម្រាប់ប្រើប្រាស់លេីការងារប្រចាំថ្ងៃ។

កន្លងទៅ ស្ថាបនិកបង្កើតពុម្ភអក្សរខ្មែរនេះ បានប្រកាសអំពាវនាវដល់អ្នកកំពុងប្រើប្រាស់ពុម្ភអក្សររបស់លោក ជួយឧបត្ថម្ភថវិកា ទោះបីតិចក្តីច្រើនក្តី ដោយសារការប្រឹងប្រែងការបង្កើតពុម្ភអក្សររបស់លោកកន្លងទៅ មិនដែលទទួលបានកម្រៃតបស្នងការងារដែលខំធ្វើទាំងយប់ទាំងថ្ងៃនោះទេ។

លោកថា មានអ្នកប្រើប្រាស់ខ្លះបានយកពុម្ភអក្សររបស់លោកទៅប្រើក្នុងរបររកស៊ី ប៉ុន្តែពួកគេបានមើលរំលងការងាររបស់លោកដែលខំធ្វើមិនគិតកម្រៃ។

លោកសង្ឃឹមថា ការអំពាវនាវនេះ នឹងទទួលបានការឆ្លើយតបពីសប្បុរសជន ដើម្បីឲ្យលោកអាចមានលទ្ធភាព ក្នុងការបន្តការងារបង្កើតពុម្ភអក្សរខ្មែរនេះ ដើម្បីបម្រើប្រយោជន៍ដល់សង្គម។

ទំនាក់ទំនងមកអាក្បាលធំតាមលេខ 069 556 887/089 556 887