ទីផ្សារស្មាតហ្វូនបន្តហក់ឡើង ខណៈអ្នកប្រើប្រាស់ពេញនិយមទូរសព្ទអេក្រង់ធំ

2017-12-01 14:25:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ការស្ទង់មតិមួយបានបង្ហាញថាអ្នកប្រើប្រាស់ស្មាតហ្វូនអេក្រង់ធំ ឬ phablets កើនឡើងដែលធ្វើឱ្យទីផ្សារស្មាតហ្វូនហក់ឡើងយ៉ាងគំហុក ។

អ្នកឃ្លាំមើលទីផ្សារនិយាយកាលពីថ្ងៃពុធថា ទីផ្សារស្មាតហ្វូនសកលត្រូវបានគេរំពឹងថានឹងមានស្ថេរភាពបើសិនជាកំណើនមិនគួរឱ្យចាប់អារម្មណ៍ក្នុងរយៈពេលប៉ុន្មានឆ្នាំខាងមុខទៀតខណៈពេលដែលអតិថិជនបែរជាពេញនិយមប្រើស្មាតហ្វូនអេក្រង់ធំ ឬត្រូវគេស្គាល់ថា phablets ។ របាយការណ៍មួយរៀបចំដោយក្រុមហ៊ុនស្រាវជ្រាវ IDC និយាយថា phablets ដែលមានទំហំអេក្រង់ធំជាង ៥.៥ អ៊ីង (១៤ សង់ទីម៉ែត្រ) មានចំនួន ៤០% នៃស្មាតហ្វូនដែលបានលក់ ១,៥ ពាន់លានគ្រឿងក្នុងឆ្នាំ ២០១៧ នេះហើយភាគហ៊ុន phablets នឹងកើនឡើងច្រើនជាងពាក់កណ្តាលនៅឆ្នាំ ២០១៩ ។

យោងតាមក្រុមអ្នកស្រាវជ្រាវរបស់ IDC បង្ហាញថា ទីផ្សារស្មាតហ្វូនទូទៅបោះជំហានយឺតយ៉ាវនៃចំនួនប្រហែល៣%ដែលនឹងជម្រុញការលក់រហូតដល់ ១,៧ ពាន់លានគ្រឿងនៅឆ្នាំ ២០២១ ។ តែកំណើនកើតមានដោយសារតែស្មាតហ្វូនអេក្រង់ធំខណៈការលក់ស្មាតហ្វូនអេក្រង់ ៥.៥ អ៊ីង ឬអេក្រង់តូចជាងនេះមានការធ្លាក់ចុះ ។ អ្នកវិភាគមួយរូបប្រចាំ IDC លោក Ryan Reith និយាយថា ក្នុងឆ្នាំ ២០១២ phablets មានត្រឹមតែ ១% នៃការនាំចេញស្មាតហ្វូនហើយឥឡូវនេះពួកវាកំពុងខិតជិត ៥០%នៃទីផ្សារបន្ទាប់ពីប៉ុន្មានឆ្នាំក្រោយមក ។ លោកបន្តថា អតិថិជនបន្តប្រើប្រាស់វីឌីអូកម្សាន្ត ហ្គេម បណ្តាញសង្គម និងកម្មវិធីផ្ទុកទិន្នន័យដទៃផ្សេងទៀតលើស្មាតហ្វូនរបស់ពួកគេធ្វើឱ្យមានការសម្រេចចិត្តទិញស្មាតហ្វូនអេក្រង់ធំ និងមានមុខងារសំខាន់ៗក្នុងទូរសព្ទ ។ IDC និយាយថា អ្នកទិញ iPhone ជាក់ស្តែងកំពុងស្ថិតក្នុងរបាយការណ៍នេះជាមួយនឹង iPhone អេក្រង់ធំមានចំនួន ៤១% នៃបរិមាណលក់ក្នុងឆ្នាំ ២០១៧ និង ៥០% ឬច្រើនជាងនេះនៅឆ្នាំ ២០១៨ ខាងមុខ ។

ទន្ទឹមគ្នានេះដែរទូរសព្ទអេក្រង់ធំ និងទំនើបទាន់សម័យសម្រុកចូលទីផ្សារនឹងធ្វើឱ្យតម្លៃស្មាតហ្វូនហក់ឡើងផងដែរ ។ អ្នកគ្រប់គ្រងការស្រាវជ្រាវលោក Anthony Scarsella និយាយថាមិនមានក្តីងឿងឆ្ងល់សោះឡើយថា ២០១៧ ជាឆ្នាំដែលមានស្មាតហ្វូនថ្មីទំនើបចុងក្រោយនៃទីផ្សារស្មាតហ្វូន ។ ស្មាតហ្វូនម៉ូដែលទំនើបចុងក្រោយគេរបស់ Samsung, Apple Google, LG និងក្រុមហ៊ុនដទៃផ្សេងទៀតបានជម្រុញតម្លៃស្មាតហ្វូនឡើងដល់តម្លៃ ៨៥០ ដុល្លារលើកដំបូង ។ទោះបីជាតម្លៃស្មាតហ្វូនកើនឡើងក៏ដោយក៏អតិថិជនស្ម័គ្រចិត្តទិញទូរសព្ទស៊េរីទំនើបចុងក្រោយគេដាក់ចូលក្នុងហោប៉ៅដែរ ។ តម្លៃលក់ស្មាតហ្វូនជាមធ្យមត្រូវគេរំពឹងថានឹងកើនដល់ ៣១៧ ដុល្លារនៅឆ្នាំ ២០២១ ដោយកើនឡើងពី ២៨២ ដុល្លារក្នុងឆ្នាំ ២០១៦ ។ IDC ធ្វើការប៉ាន់ប្រមាណថាចំណែកទីផ្សារសម្រាប់ស្មាតហ្វូនដើរដោយប្រព័ន្ធ Android នឹងមាន ៨៥,១ % នៅឆ្នាំនេះហើយវានឹងបង្ហាញពីទីផ្សារទូទៅក្នុងរយៈពេលពីរបីឆ្នាំខាងមុខទៀតដោយមាន ៨៦,៣% នៅឆ្នាំ ២០២១ ។ ដោយឡែកចំណែកទីផ្សាររបស់ Apple វិញត្រូវបានស្ទាបស្ទង់ឃើញថានឹងមាន ១២,៨% ក្នុងឆ្នាំ ២០១៧ហើយត្រូវគេមើលឃើញថាធ្លាក់ចុះមក ១៤,៦% នៅឆ្នាំ ២០២១ ៕

ប្រែសម្រួល៖ សិរីបុទ្រ

ប្រភព៖ Channelnewsasia ប្រែសម្រួល៖ សិរីបុទ្រ

អត្ថបទពេញនិយម

ប្រធានក្លឹប Paris-Saint-Germain ថា Mbappe ត្រូវតែចុះកុងត្រាថ្មី បើសិនជារូបគេចង់បន្តនៅ PSG

ទាំងគ្រូបង្វឹក និងកីឡាករជម្រើសជាតិកម្ពុជាពង្រឹងឆន្ទៈពលីដើម្បីការប្រកួតទល់ឆាយនីសតៃប៉ិ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

មិនចេះបង្ហោះអួតច្រើនស្ងាត់ៗ Taylor Swift បរិច្ចាគ រាប់លានដុល្លារ ដល់ប្រជាជនរងគ្រោះដោយព្យុះ Hurricane

ការដាក់បង្ហាញជាផ្លូវការនូវម៉ូឌែល Xiaomi 14T Series ជាមួយនឹងការថតរូប ពេលយប់ដ៏អស្ចារ្យ និង AI កម្រិតខ្ពស់របស់ Xiaomi

មកដឹងប្រវត្តិត្រួសៗ របស់ស្ថាបន័ MGI ទាំងអស់គ្នា

អត្ថបទថ្មី

សហព័ន្ធសូហ្វតិន្នីស៖ ជើងឯកថ្នាក់ជាតិឆ្នាំនេះបានលើកទឹកចិត្តយុវជន និងជំរុញដល់ការហ្វឹកហាត់

វិទ្យាស្ថានខេមអេដ៖ រៀបចំវេទិកាស្តីពីអាជីពការងារក្នុងវិស័យធនាគារ និងចែករំលែកបទពិសោធល្អៗដល់អ្នកចូលរួម

Peugeot ប្រារព្ធខួប 214 ឆ្នាំនៃឧត្តមភាព និងការច្នៃប្រឌិតនៅកម្ពុជា

កម្មវិធីប្រកួតយកដុំមាសរបស់ធនាគារ វីង បានបិទបញ្ចប់រដូវកាលទី២ដោយបានរៀបចំកម្មវិធីប្រគល់ មាសទម្ងន់កន្លះគីឡូជូនអ្នកឈ្នះដំបូងគេ

ទម្លាក់ MV ថ្មី ទាំងចង្វាក់ ក្បាច់រាំ កាយវិការ ទឹកមុខ Jennie ហិរខ្លាំង