Ronaldo នឹងលើកពាន Ballon d'Or ទី៥លើកំពូលប៉មទួរអ៊ីហ្វែល
- 2017-12-05 01:32:51
- ចំនួនមតិ 0 | ចំនួនចែករំលែក 0
Ronaldo នឹងលើកពាន Ballon d'Or ទី៥លើកំពូលប៉មទួរអ៊ីហ្វែល
ចន្លោះមិនឃើញ
Cristiano Ronaldo នឹងទទួលពាន Ballon d'Or លើកទី៥របស់ខ្លួននៅលើកំពូលប៉មទួរអ៊ីហ្វែល (Eiffel Tower) នៅថ្ងៃព្រហស្បតិ៍នេះ បើយោងតាមសេចក្ដីរាយការណ៍។
ក្រោយជួយ Real Madrid ការពារតំណែងជើងឯក Champions League បានសម្រេចកាលពីរដូវកាលមុន ប្រភពព័ត៌មាន Mundo Deportivo បានផ្សាយថាតារាឆ្នើមវ័យ៣២ឆ្នាំនឹងទទួលពាន Ballon d'Or នៅលើសំណង់អច្ឆរិយស្ថិតនៅកណ្ដាលទីក្រុងប៉ារីសដែលមានវីរបុរសបាល់ទាត់បារាំង David Ginola ជាអ្នកប្រគល់ឲ្យ។
រាប់ទាំងពានលើកនេះផង Ronaldo មានកំណត់ត្រាឈ្នះ Ballon d'Or ស្មើគ្នា៥ដងជាមួយតារាឆ្នើម Lionel Messi របស់ Barcelona។ តារាឆ្នើមសញ្ជាតិព័រទុយហ្គាល់ធ្លាប់ឈ្នះពានផ្ទាល់ខ្លួនដែលបង្កើតដោយទស្សនាវដ្ដីបារាំង ១ដងជាមួយ Manchester United និង៣ដងជាមួយ Real Madrid៕