រឿង សុភ័ណ្ឌ បកស្រាយថាអត់បាននិយាយដូចគេផ្សាយតាមហ្វេសបុកនោះទេ

2017-12-05 07:08:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងជួរមុខរបស់កម្ពុជា រឿង សុភ័ណ្ឌ ថា មិនបាននិយាយអួតអាងដូចដែលគេចែកចាយតាមហ្វេសបុក «បើជួបគ្នាលើកក្រោយនឹងវ៉ៃ ធឿន ធារ៉ា ឲ្យសន្លប់ម្ដង» នោះទេ។

កីឡាករ រឿង សុភ័ណ្ឌ អាវស

រឿង សុភ័ណ្ឌ បានឲ្យដឹងថា លោកមិនបាននិយាយដូចទៅនិងអ្វីដែលគេបានផ្សព្វផ្សាយតាមហ្វេសបុកនោះទេថា «បើជួប ធឿន ធារ៉ា លើកក្រោយនឹងផ្ដួលឲ្យសន្លប់» ដូចនេះទេ លើកឡើងនេះវាខុសការពិតហើយហាក់ដូចជាហួតពេកហើយ។ កីឡាប្រដាល់ គេហ្វឹកហាត់ដូចគ្នាអញ្ចឹងហើយវ៉ៃគេឲ្យសន្លប់ស្រួលៗយ៉ាងម៉េច និយាយនេះដូចជាអួតពេកហើយ។

កីឡាករ រឿង សុភ័ណ្ឌ

អ្នកប្រដាល់មកពីកំពង់ស្ពឺរូបនេះបន្ថែមថា លោកក៏មានគ្មានគំនុំអ្វីជាមួយសិស្សប្អូន ធឿន ធារ៉ា នោះដែរ ការប្រកួតមានចាញ់មានឈ្នះ ណាមួយខ្លួនរឹតតែសប្បាយចិត្តទៅវិញទេ ពេលដែលឃើញមានកីឡាករស្រករក្រោយមានសមត្ថភាពដូចនេះ។

កីឡាករ ធឿន ធារ៉ា ពេលឈ្នះ រឿង សុភ័ណ្ឌ

កីឡាករ រឿង សុភ័ណ្ឌ ជាអ្នកប្រដាល់ជួរមុខរបស់កម្ពុជា គេមកពីក្លឹបម្ដុដរាជសីហ៍ ហើយប៉ុន្មានថ្ងៃមុននេះរូបគេចាញ់កីឡាករវ័យក្មេងទើបលេចមុខ ធឿន ធារ៉ា ដោយពិន្ទុក្នុងព្រឹត្តិការណ៍ជ្រើសរើសជើងឯកថ្នាក់ជាតិឆ្នាំ ២០១៧ នៅឯវិហារសួគ៌ ខេត្តកណ្ដាល៕

អត្ថបទ៖ នួន ស៊ីណា