បងស្រី ដេនី ក្វាន់ ទម្លាយតម្លៃវះកាត់កែសម្ផស្សទម្រាំបានស្អាតដូចបច្ចុប្បន្ន

2017-12-05 06:44:59
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននឹងទទួលបានរូបរាងស្រស់ស្អាត និងពេញចិត្តដូចបច្ចុប្បន្ននេះ បងស្រី ដេនី ក្វាន់ អ្នកនាង ចោម ច័ន្ទ បានចំណាយថវិកាខ្ទង់ម៉ឺនដុល្លារ ដើម្បីកែកុនវះកាត់មុខធម្មជាតិ ត្រង់ចំណុចដែលខ្លួនមិនពេញចិត្តចេញ។

ជាក់ស្ដែងថ្មីៗនាង នាងបានបង្ហោះសារភ្ជាប់ជាមួយរូបថតប៉ុន្មានសន្លឹកប្រាប់អំពីថ្លៃចំណាយ ធ្លាប់វះកាត់កន្លងមក នៅមន្ទីរវះកាត់កែសម្ផស្សនៅប្រទេសថៃ ដើម្បីទទួលបានទម្រង់មុខអក្សរ V ដោយធ្វើការវះកាត់ឆ្អឹងថ្គាម ព្រោះចង់បានមុខស្អាតដូចតួកូរ៉េ ក្នុងតម្លៃ ១០២ ០០ ដុល្លារអាមេរិក(មួយម៉ឺនពីររយ ដុល្លារអាមេរិក)។

ក្រៅពីចំណាយទៅលើថ្លៃ វះកាត់ អ្នកនាង ចោម ច័ន្ទ ក៏បានចំណាយទៅលើថ្លៃថែទាំ ហូបចុក ស្នាក់នៅប្រទេសថៃបន្ថែមទៀតចំនួន ៥០០០ ដុល្លារ។ ដូច្នេះថ្លៃចំណាយទៅលើសម្ផស្សទាំងអស់សរុប ១៥២ ០០០ ដុល្លារ។

“ថ្ងៃនេះខ្ញុំសុំធ្វើការបង្ហាញថ្លៃវះកាត់របស់ខ្ញុំ អ៊ីចឹងសម្រាប់អ្នកមានលុយគឺមិនច្រើនទេ ដើម្បីប្ដូរយកភាពស្រស់ស្អាតមកវិញជាមួយភាពជឿជាក់ សុវត្ថិភាព ហើយលទ្ធផលដែលទទួលបានគឺជាទីគាប់ចិត្ត ធម្មជាតិផ្ដល់ឲ្យគឺមិនគ្រប់ដប់ឡើយ។ ដូច្នេះត្រូវកែច្នៃបន្ថែមទើបជាការល្អ ប្រសើរ សម្រាប់ភាពស្រស់ស្អាតរបស់ខ្ញុំគឺចំណាយត្រឹមតែ ១០២ ០០ និងថ្លៃស្នាក់នៅថែទាំចាយវាយ ៥ ០០០ដុល្លារ អ៊ីចឹងសរុប ១៥ ២០០ ដុល្លារ"។ នេះបើតាម បងស្រី ដេនី ក្វាន់ បញ្ជាក់នៅលើហ្វេសប៊ុក។

ព័ត៌មានលម្អិតពាក់ព័ន្ធតម្លៃកែសម្ផស្សសាមីខ្លួន អ្នកនាង ចោម ច័ន្ទ មិនអាចទាក់ទងសុំការបកស្រាយបានទេ។