កែវ សុខផេង ប្រហែលជាចេញទៅលេងក្រៅប្រទេសដាច់ឆ្នាំនេះ

2017-12-06 03:35:26
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកជម្រើសជាតិកម្ពុជា និងភ្នំពេញក្រោន កែវ សុខផេង អាចនឹងចេញទៅប្រកបអាជីពនៅប្រទេសនារដូវកាលថ្មីខាងមុខនេះ បន្ទាប់ពីមានក្លឹប៣ប្រទេសក្នុងតំបន់អាស៊ានបានចាប់អារម្មណ៍ចង់បានរូបគេ។

កែវ សុខផេង

កែវ សុខផេងបានប្រាប់ថា រូបគេមានក្លឹបនៅប្រទេសថៃ សិង្ហបុរី និងម៉ាឡេស៊ីបានចាប់អារម្មណ៍ចង់បានរូបគេទៅលេងសម្រាប់រដូវកាលក្រោយ។ រូបគេមិនអាចប្រាប់ឈ្មោះក្លឹបទាំងនោះបានឡើយ ពីព្រោះវាស្ថិតនៅក្នុងស្ថានភាពមិនច្បាស់ ប៉ុន្តែក្លឹបទាំងនោះសុទ្ធតែលេងនៅលីគកំពូលរបស់ប្រទេស។

ពេលសួរថា តើក្នុងចិត្ត កែវ សុខផេង ចង់លេងនៅក្នុងស្រុក ឬចេញទៅលេងនៅក្រៅប្រទេសសម្រាប់រដូវកាលក្រោយ? កីឡាកររូបនេះឆ្លើយថា ៖«សំខាន់ប្រហែលជាខ្ញុំចេញទៅក្រៅប្រទេសឆ្នាំនឹងបង»។ កីឡាកររូបនេះបញ្ជាក់ថា ៖«ប្រហែលដាច់ឆ្នាំនឹងបង ប៉ុនែ្តសុំលាក់សិនបង»។

ដូច្នេះមានន័យថា កែវ សុខផេង កំពុងស្ថិតនៅលើផ្លូវដែលអាចចេញទៅប្រកបអាជីពបាល់ទាត់របស់ខ្លួនឲ្យក្លឹបណាមួយក្នុងចំណោមប្រទេសថៃ សិង្ហបុរី និងម៉ាឡេស៊ី សម្រាប់រដូវកាលថ្មីខាងមុខ៕