មកស្គាល់កម្មវិធីទូរសព្ទ ឈរលំដាប់លេខ១ របស់ខ្មែរ ផ្ដល់ទាំងព័ត៌មានគ្រាអាសន្ន ទាំងសុខភាព និងពេទ្យ

2017-12-06 04:14:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Healthtime Corp បានដាក់ឲ្យប្រើប្រាស់កម្មវិធីទូរសព្ទថ្មីមួយឈ្មោះថា Healthogo កាលពីខែសីហា ដែលអាចទាញយកពី App Store ឬ Play Store បានឥតគិតថ្លៃ ដោយកម្មវិធីនេះ នឹងផ្ដល់ព័ត៌មានជាច្រើនទាក់ទងសុខភាព ដូចជា៖

លេខទំនាក់ទំនងក្នុងគ្រាមានអាសន្ន ដូចជាមន្ទីរពេទ្យ មជ្ឈមណ្ឌលជាតិផ្ដល់ឈាមជាដើម
ស្វែងរកគ្លីនិក និងមន្ទីរពេទ្យ តាមឯកទេស សេវាកម្ម និងឈ្មោះវេជ្ជបណ្ឌិត អមដោយផែនទី
ស្វែងរកអាការៈ ជំងឺសុខភាពផ្លូវចិត្ត និងគន្លឹះក្នុងការរស់នៅផ្សេងៗ ដែលផ្ដល់ដោយសហគមន៍អ្នកប្រកបវិជ្ជាជីវៈសុខាភិបាល Healthtime
ទទួលការបញ្ចុះតម្លៃសម្រាប់សេវាកម្មសុខភាពផ្សេងៗ
ក្រៅពីមុខងារសំខាន់ៗខាងលើ អ្នកក៏អាចសាកសួរសំណួរផ្សេងៗក្នុងទំព័រគ្លីនិក និងអត្ថបទនីមួយៗ ដើម្បីបំបាត់រាល់ចម្ងល់ ហើយក៏ដូចជាស្នើសុំផ្សេងៗក្នុងប្រអប់ Suggestion

លោក សាំង តារារស្មី នាយកប្រតិបត្តិ Healthtime Corp បានឲ្យដឹងថា៖ "ខ្ញុំធ្លាប់មានវិប្បដិសារី ដែលមិនអាចស្វែងរកការព្យាបាលឲ្យបានទាន់ពេលវេលាសម្រាប់ម្ដាយរបស់ខ្ញុំ ហើយខ្ញុំសង្ឃឹមថាអ្នកទាំងអស់គ្នា នឹងមិនមានវិប្បដិសារីដូចជាខ្ញុំឡើយ ហើយនេះជាអ្វីដែល Healthogo ចង់ធានាឲ្យបាន"។

កម្មវិធីទូរសព្ទ Healthogo នេះ ធ្លាប់ទទួលជយលាភីលេខ១ ក្នុងការប្រកួតប្រជែងគម្រោងអាជីវកម្មថ្នាក់តំបន់ដែលរៀបចំដោយ JICA ក្នុងឆ្នាំ២០១៦ ហើយឡើងឈរលំដាប់លេខ១ ជាបន្តបន្ទាប់ក្នុងប្រភេទ Health & Fitness ក្នុងតារាងកម្មវិធីនៅ App Store និង Play Store។

សម្រាប់ព័ត៌មានបន្ថែម ចូលទៅកាន់វិបសាយ www.healthtime.tips៕