ដឹងថ្ងៃប្រកួត MATIC 2018 នៅថៃហើយ ខណៈក្រុមកម្ពុជាត្រូវការពារជើងឯករបស់ខ្លួន

2017-12-06 09:29:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជ្រើសរើសជើងឯកកីឡាអេឡិចត្រូនិកអន្តរជាតិ MATIC 2018 នឹងថ្ងៃធ្វើនៅថ្ងៃទីសៅរ៍-អាទិត្យ ទី១៣-១៤ ខែមករា ឆ្នាំ២០១៨ខាងមុខ។ នេះបើតាមការឲ្យដឹងពីម្ចាស់ផ្ទះថៃដែលបានផ្ញើលិខិតអញ្ជើញក្រុមកម្ពុជា។

ក្រុម Never Care

បន្ទាប់ពីសហព័ន្ធកីឡាអេឡិចត្រូនិកកម្ពុជាបានរៀបចំការប្រកួតជ្រើសរើសជើងឯកជាតិរបស់ខ្លួនកាលពីថ្ងៃទី៣ ខែធ្នូកន្លងទៅនេះ ភាគីថៃបានផ្ញើសារអបអរសាទរចំពោះការស្វែងរកឃើញក្រុមជើងឯក និងអញ្ជើញក្រុមតំណាងកម្ពុជាចូលរួមការប្រកួត MATIC 2018 តែម្តង។

ក្រុមជយលាភីដែលនឹងតំណាងកម្ពុជាចូលរួមការប្រកួតកីឡាអេឡិចត្រូនិកអន្តរជាតិ MATIC គឺក្រុម Never Care ជាជើងឯក និងក្រុម Infinity ជាជើងឯករង។ សម្រាប់ក្រុម Infinity ជាក្រុមថ្មីដែលចូលរួមប្រកួតជើងឯកជាតិ និងទទួលបានត្រឹមជើងឯករងចេញទៅប្រកួតអន្តរជាតិជាលើកដំបូងរបស់ខ្លួន។ ចំពោះ Never Care វិញជាក្រុមល្បីឈ្មោះលើឆាកអន្តរជាតិយូរហើយ។ កាលពីដើម្បីឆ្នាំ២០១៧កន្លងទៅ Never Care ជាជើងឯក MATIC ដែលដើមឆ្នាំ២០១៨ខាងមុខក្រុមកម្ពុជាមួយនេះត្រូវធ្វើការធ្ងន់ដើម្បីការពារតំណែងជើងឯកចាស់របស់ខ្លួន។

ក្រុម Infinity

ជុំវិញការប្រកួតកីឡាអេឡិចត្រូនិកអន្តរជាតិ MATIC ឆ្នាំ២០១៨ខាងមុខនេះ ក្រុមការងារសហព័ន្ធកីឡាអេឡិចត្រូនិកកម្ពុជានឹងផ្សាយជូនព័ត៌មានពិស្តារបន្ថែមនាពេលបន្តបន្ទាប់ទៀត៕