សម្ដីអ្នកចាត់ការទាំង៥នៅអង់គ្លេស ក្នុងនោះមាន Jose មួយ និយាយខុសគេ

2017-12-07 04:04:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបានឡើងទៅវគ្គ១៦ក្រុមចុងក្រោយរួច ក្រុមអង់គ្លេសទាំង៥សុទ្ធតែមានបំណងទៅឱ្យបានជ្រៅបំផុតក្នុងពានរង្វាន់មួយនេះ ឬអាចនិយាយឱ្យស្រួលស្ដាប់ថាចង់បានពាន UEFA Champions League តែម្ដង។ ខាងក្រោមនេះជាសម្ដីគ្រូបង្វឹកទាំង៥ដែលមកពីលីគកំពូលអង់គ្លេសេ៖

Pep Guardiola អ្នកចាត់ការរបស់ក្រុម Manchester City ៖ “នៅពេលនេះ មានគេនិយាយច្រើនពីក្រុមអង់គ្លេសដែលអាចឡើងវគ្គ១៦ក្រុមបានដល់៥ក្រុម។ គេគិតថារឿងនេះ ពេលនេះល្អ ប៉ុន្តែនៅខែកុម្ភៈខាងមុខ នឹងមិនល្អឡើយ។ វាពិតជាពិបាក ដែលយើងអាចនឹងប៉ះក្រុមខ្លាំងៗ។ តែអ្វីដែលខ្ញុំរំពឹងគឺក្រុមរក្សាទម្រង់លេងល្អដូចបច្ចុប្បន្ន”។

Jose Mourinho អ្នកចាត់ការក្រុម Manchester United ៖ “១៦ក្រុមមិនបញ្ហាទេ ទាល់តែដល់វគ្គ៨ក្រុមទើបបញ្ហា។ យើងមិនមែនជាក្រុមដែលជាបេក្ខភាពឈ្នះពានរង្វាន់ឡើយ វានៅឆ្ងាយណាស់។ យើងក្រុមជាច្រើនដែលមានសមត្ថភាពខ្លាំង និងពោរពេញដោយបទពិសោធនៃពានរង្វាន់មួយនេះ។ បច្ចុប្បន្នយើងមានប្រកួតច្រើននៅលីគ ដូច្នេះបំភ្លេច Champions League ចោលសិនទៅ”។

Mauricio Pochettino អ្នកចាត់ការក្រុម Spurs ៖ “វាជារឿងល្អសម្រាប់យើងបានដល់វគ្គនេះ ប៉ុន្តែវានៅផ្លូវវែងឆ្ងាយទៀត ដើម្បីដល់ផ្ដាច់ព្រ័ត្រ។ ខ្ញុំសង្ឃឹមថាក្រុមទាំងមូលនឹងនៅតែល្អដូចបច្ចុប្បន្ន ដើម្បីត្រៀមខ្លួនចូលលេងពានរង្វាន់ធំបំផុតនៅអឺរ៉ុប។ យើងនឹងព្យាយាមឱ្យអស់ពីសមត្ថភាព ដើម្បីទៅឱ្យបានឆ្ងាយតាមដែលអាចធ្វើទៅបាន”។

Antonio Conte អ្នកចាត់ការក្រុម Chelsea ៖ “៥ក្រុមឡើងវគ្គបន្ដ គឺយើងអាចមើលឃើញពីសមត្ថភាពលីគរបស់អង់គ្លេស។ តែយ៉ាងណាមិញ យើងនៅមានការប្រកួតច្រើនណាស់ ហើយវាអាចនឹងមានបញ្ហាដល់ការប្រកួត Champions League ។ លីគអង់គ្លេសពិតជារវល់មែន ហើយវានឹងកាន់តែរវល់ថែមទៀត បើយើងឈានដល់វគ្គ៨ក្រុម ឬ៤ក្រុមចុងក្រោយ Champions League ”។

Jurgen Klopp អ្នកចាត់ការក្រុម Liverpool ៖ “ឆ្នាំនេះគឺពិតជាពិសេសណាស់ ព្រោះមានក្រុមខ្លាំងៗជាច្រើននៅពូលជាមួយគ្នា។ ការបានឈរកំពូលតារាងពិតជាសំខាន់សម្រាប់ក្រុម។ ហើយវាមិនងាយទេ ដែលអ្នកនឹងអាចប៉ះជាមួយ Real Madrid Juventus ឬ Bayern Munich នៅវគ្គបន្ទាប់។ ខ្ញុំមិនគិតថាមានក្រុមណាសប្បាយចិត្តទេ បើប៉ះ Liverpool នៅពេលនេះ ហើយខាងយើងក៏មិនសប្បាយចិត្តដែរ ប៉ុន្តែយើងត្រូវខ្លួនឱ្យរួចរាល់”។

ក្រុមដែលអាចប៉ះជើងខ្លាំងទាំង៥នៅលីគកំពូលអង់គ្លេស៖

Manchester United (Group A winners): Bayern Munich, Juventus, Sevilla, Shakhtar Donetsk, Porto, Real Madrid
Chelsea (Group C runners-up): Paris St-Germain, Barcelona, Besiktas.
Manchester City (Group F winners): Basel, Bayern Munich, Juventus, Sevilla, Porto, Real Madrid.
Tottenham (Group H winners): Basel, Bayern Munich, Juventus, Sevilla, Shakhtar Donetsk, Porto
Liverpool (Group E winners): Bayern Munich, Juventus, Basel, Shakhtar Donetsk, Porto, Real Madrid