វិធីសាស្ត្រដោះស្រាយបញ្ហាដែលមានលើ CV ពេលសម្ភាសការងារ

2017-12-08 08:10:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផ្លាស់ប្តូរការងារញឹកញាប់ ក៏ដូចជាប្រវត្តិនៃការផ្អាកការងារត្រូវបានឃើញជារឿយៗនៅក្នុងប្រវត្តិរូបសង្ខេប។ វាបានបង្ហាញទៅអនាគតចៅហ្វាយរបស់អ្នកថាអ្នកមានរឿងលាក់បាំងនឹងពួកគាត់ ដូច្នេះហើយ ត្រៀមខ្លួន និងឆ្លើយទៅនឹងសំនួរទាំងនោះនៅពេលធ្វើការសម្ភាន៍ឱ្យហើយទៅ។

វាពិតជាមានសារៈសំខាន់ណាស់ក្នុងការយល់ច្បាស់ថា រាល់ចន្លោះប្រហោងទាំងឡាយដែលមាននៅក្នុងប្រវត្តិរូបសង្ខេបរបស់អ្នកតែងតែមានផ្លូវក្នុងការដោះស្រាយ ហើយអ្នកពុំចាំបាច់ព្រួយបារម្ភអំពីបញ្ហាដែលអ្នកត្រូវប្រឈមនៅពេលសម្ភាសន៍ក្នុងការបកស្រាយអំពីខ្លួនអ្នកឡើយ។ អ្វីដែលអ្នកត្រូវការនោះគឺ ហ្វឹកហាត់ឱ្យបានល្អ និងត្រៀមហេតុផលដ៏មានប្រសិទ្ធភាព និងសមរម្យនៅពេលដែលអ្នកបកស្រាយអំពីបញ្ហាដែលទាក់ទងនឹងប្រវត្តិរូបសង្ខេបរបស់អ្នក។

គន្លឹះសំខាន់នៅត្រង់នេះគឺ ការរួមបញ្ចូលគ្នារវាងភាពស្មោះត្រង់ជាមួយនឹងមធ្យោបាយដែលអាចជួយ និងមានប្រយោជន៍ក្នុងការបង្ហាញចំណាប់អារម្មណ៍ល្អៗទៅកាន់អនាគតចៅហ្វាយរបស់អ្នក ក៏ដូចជាដើម្បីបំបាត់នូវរាល់ចម្ងល់ដែលមាននៅក្នុងចិត្តរបស់គាត់ផងដែរ។

តើអ្នកត្រូវបកស្រាយយ៉ាងណា អំពីបញ្ហាដែលអ្នកត្រូវផ្អាកពីការងារចាស់របស់អ្នក?

ការដែលមានប្រវត្តិផ្អាកពីការងារនៅក្នុងប្រវត្តិរូបសង្ខេប គឺជាបញ្ហាដ៏ចម្បងដែលអ្នកស្វែងរកការងារធ្វើភាគច្រើនបានជួបប្រទះ។ នៅក្នុងប្រវត្តិការងារដែល មានការផ្អាកពីការងារ ឬការលាឈប់អំពីការងារច្រើន អាចនឹងបង្ហាញថាអ្នកគឺជាបុគ្គលិកដែលមិនអាចទុកចិត្តបាន ហើយនិយោជកភាគច្រើននឹងមិនរើសយកអ្នកដើម្បីឱ្យបម្រើការងារនោះឡើយ។

ជាទូទៅ ការដែលមានបទពិសោធន៍ការងារចាប់ពី ៥ឆ្នាំ ទៅ៨ឆ្នាំ គឺគ្រប់គ្រាន់ណាស់ទៅហើយ ក៏ប៉ុន្តែ ទោះជាយ៉ាងណាអ្នកក៏ត្រូវតែបកស្រាយអំពីហេតុផលដែលអ្នកលាឈប់អំពីការងារចាស់របស់អ្នកដែរ។

ជម្រើសដ៏ឆ្លាតវៃក្នុងការពន្យល់អំពីបញ្ហានេះ គឺធ្វើយ៉ាងណាឱ្យអនាគតនិយោជករបស់អ្នកនោះដឹងថាអំឡុងពេលនោះអ្នកមានរឿងដ៏ចាំបាច់ដើម្បីបំពេញ។ អ្នកអាចប្រាប់ពួកគាត់ថាអ្នកបានបំពេញការងារមួយចំនួនដែលពិតជាមានប្រយោជន៍ដល់ក្រុមហ៊ុនដែលមានបំណងរើសយកអ្នកដើម្បីបម្រើការងារនាពេលអនាគត។

ឧទាហរណ៍ដូចជា ការងារស្ម័គ្រចិត្ត ការងារស្រាវជ្រាវផ្សេងៗ ការសិក្សាជំនាញដែលថ្មី ឬភាសាបរទេស ចូលរួមនៅក្នុងវគ្គបណ្ដុះបណ្ដាល ឬវគ្គសិក្សាផ្សេងៗ ដែលសុទ្ធសឹងជាសកម្មភាពដែលដែលអាចទាក់ទាញការចាប់អារម្មណ៍របស់និយោជកនិយោជករបស់អ្នក ព្រមទាំងមើលឃើញថាអ្នកពិតជាមានសារៈប្រយោជន៍ដល់ក្រុមហ៊ុន។

ការខ្វះបទពិសោធន៍៖

ប្រសិនបើអ្នកខ្វះបទពិសោធន៍នៅក្នុងជំនាញដែលត្រូវទាមទារចាំបាច់នោះ អ្នកត្រូវបង្ហាញទៅកាន់ចៅហ្វាយរបស់អ្នកថា អ្នកមានឆន្ទៈមោះមុតក្នុងការរៀន ហើយអ្នកពិតជាអាចរៀនជំនាញថ្មីៗបានយ៉ាងងាយ និងឆាប់រហ័ស។

មិនមែនបេក្ខជនដែលមានសមត្ថភាពទាំងអស់ត្រូវមានបទពិសោធន៍ការងាការងារច្រើនឆ្នាំនោះទេ ប៉ុន្តែការដែលបង្ហាញថាអ្នកពិតជាមានចំនាប់អារម្មណ៍ខ្លាំងចំពោះការងារនេះ ហើយអ្នកគឺជាបុគ្គលិកដែលលះបង់ចំពោះការងារ ទើបអាចទាក់ទាញចំណាប់អារម្មណ៍របស់ពួកគេបាន។

ព្យាយាមឱ្យអស់ពីសមត្ថភាពដើម្បីបញ្ចុះបញ្ចូលអនាគតចៅហ្វាយរបស់អ្នកថាអ្នក និងដាក់ចិត្តដាក់កាយក្នុងការបំពេញការងារឱ្យអស់ពីសមត្ថភាព ដើម្បីធ្វើឱ្យប្រាកដថាអ្នកស័ក្តិសមនឹងលក្ខខ័ណ្ឌការងាររបស់ក្រុមហ៊ុន ផ្ដល់ឲ្យពួកគេនូវលទ្ធផលដ៏ល្អបំផុត ព្រមទាំងធ្វើជាបុគ្គលិកដ៏សកម្មបំផុត។

ត្រូវបានបណ្ដេញចេញពីការងារ៖

ជាការពិតណាស់ដែលគ្មានជម្រើសអ្វីដែលអាចឆ្លើយតបទៅនឹងបញ្ហានេះបានប្រសើរជាងភាពស្មោះត្រង់ឡើយ។ ដើម្បីកុំឱ្យអនាគតនយោជករបស់អ្នកបាត់បង់ចំណាប់អារម្មណ៍ល្អៗដែលមានមកលើអ្នកនោះ អ្នកមិនត្រូវបន្ទោសលើក្រុមហ៊ុនដែលអ្នកធ្លាប់ធ្វើការនោះទេ ត្រូវបង្ហាញថាអ្នកចាត់ទុកវាជាបទពិសោធន៍សម្រាប់ថ្ងៃក្រោយ។

មានឱកាសច្រើនណាស់ដែលចៅហ្វាយរបស់អ្នកនឹងអាចយល់ពីវា។ លើកឡើងរាល់លទ្ធផលវិជ្ជមានទាំងឡាយដែលវាបានផ្ដល់ឱ្យអ្នក ហើយនៅពេលនេះអ្នកបានយល់ច្បាស់អំពីកំហុសរបស់អ្នកហើយ។ ត្រូវមានភាពស្មោះត្រង់ចំពោះរឿងនេះ ហើយលើកឡើងនូវហេតុផលក្នុងន័យដែលអ្នកពេញចិត្តនឹងឈប់ពីការងារនោះ។ ទោះបីជាយ៉ាងណា ប្រសិនបើអ្នកមានយោបល់ ឬសេចក្ដីបញ្ជាក់ផ្សេងៗនោះ មិនត្រូវស្ទាក់ស្ទើរក្នុងការប្រាប់ទៅពួកគេឡើយ។

មិនមានសញ្ញាប័ត្រ ឬកម្រិតនៃការសិក្សាមិនគ្រប់គ្រាន់៖

ភាពជោគជ័យមិនមែនសំខាន់ស្ថិតនៅលើចំនួនសញ្ញាបត្រ ឬក៏កម្រិតនៃការសិក្សារឡើយ។ ដូច្នេះនៅពេលដែលអ្នកត្រូវគេសូរអំពីសញ្ញាបត្រដែលទាក់ទងនឹងជំនាញ អ្នកត្រូវព្យាយាមលើកឡើងអំពីភាពជោគជ័យរបស់អ្នក ក៏ដូចជាបទពិសោធន៍ការងាររបស់អ្នកផងដែរ។ ក៏ប៉ុន្តែដើម្បីធ្វើឱ្យការអប់រំរបស់អ្នកលេចធ្លោនោះ អ្នកអាចនិយាយថាអ្នកកំពុងតែបន្តការសិក្សាថ្នាក់បរិញ្ញាបត្ររបស់អ្នក (ប្រសិនបើវាជាការពិត) ដែលវានឹងមានប្រយោជន៍ដល់មុខតំណែង ហើយវាបានបង្ហាញថាអ្នកមានឆន្ទៈក្នុងការរៀនជំនាញ និងយុទ្ធសាស្ត្រថ្មី ដែលវានឹងផ្ដល់ប្រយោជន៍ទៅដល់ក្រុមហ៊ុន។

ការដែលមានសញ្ញាបមិនបានបញ្ជាក់អំពីកម្រិតនៃការបំពេញការងារនោះទេ។ ដូច្នេះហើយ អ្នកគ្រាន់តែលើកឡើងនូវចំនុចខ្លាំងរបស់អ្នក ហើយពន្យល់ថាតើអ្នកបានរៀបចំគម្រោងបានល្អយ៉ាងណាក្នុងការបញ្ចេញសមត្ថភាពរបស់អ្នកដើម្បីផ្ដល់នូវលទ្ធផលជាទីគាប់ចិត្តដល់ក្រុមហ៊ុន៕

ស្វែងរកការងារធ្វើ សូមចូលទៅកាន់៖ everjobs.com.kh

ប្រភព៖ Everjobs