កំពូល​អ្នក​វិភាគ​របស់​ក្រុមហ៊ុន​ KGI Securities ​ដែល​ទាយ​ពី​ស្ថានភាព​ក្រុមហ៊ុន​ Apple ​ប្រុង​នឹង​កើត​ឡើង​មិន​ងាយ​ខុស​លោក​ Ming-Chi Kuo ​និយាយ​ថា​ iPhone ​ឆ្នាំ​ ២០១៨​ទាំង​បី​គ្រឿង​នឹង​មាន​ថាមពល​ថ្ម​ធំ​ជាង​ iPhone 8, 8 Plus ​និង​ iPhone X ​ដែល​បង្ហាញ​ក្នុង​ឆ្នាំ​ ២០១៧ ​ទៅ​ទៀត​ ។

កាល​ពី​មុ​ន Kuo ​បាន​ព្យាករណ៍​ថា​ Apple ​នឹង​មិន​បង្កប់​បច្ចេកវិទ្យា​ស្កេន​ក្រយៅ​ដៃ​ Touch ID ​លើ​ iPhone ​ជំនាន់​ក្រោយ​ទេ​ ហើយ​ពួកវា​នឹង​មាន​ផ្ទៃ​អេក្រង់​លាត​ពេញ​ភ្នែក​ ។ Kuo ​ក៏​បាន​និយាយ​ដែរ​ថា​ iPhone ​ជំនាន់​ក្រោយ​អាច​ដាក់​ស៊ីម​កាត​ពីរ​ដោយ​អះអាង​ដូច្នេះ​ក្រោយ​ពី​លោក​ដឹង​ថា​ Apple ​កំពុង​ពិភាក្សា​ជាមួយ​ក្រុមហ៊ុន​ Intel ​ដើម្បី​នាំ​យក​បច្ចេកវិទ្យា​ 5G ​ដែល​ត្រូវ​បាន​គេ​តេស្ត​មើល​កាល​ពី​ដើម​ឆ្នាំ​ ២០១៧ ​នេះ​ ។ ទោះ​ជា​យ៉ាង​ណា​ក៏​ដោយ​វា​មិន​ច្បាស់​នោះ​ទេ​ថា​តើ​ iPhone ​២០១៨ មាន​ប្រព័ន្ធ​សេវា​ 5G ​ឬ​ក៏​អត់នោះទេ ​៕

ប្រភព៖ Gadgets   ប្រែ​សម្រួល៖ សិរីបុទ្រ