Apple អាចជះលុយ ៤០០ លានដុល្លារទិញក្រុមហ៊ុនមួយនៅអង់គ្លេស
- 2017-12-11 01:49:03
- ចំនួនមតិ 0 | ចំនួនចែករំលែក 0
Apple អាចជះលុយ ៤០០ លានដុល្លារទិញក្រុមហ៊ុនមួយនៅអង់គ្លេស
ចន្លោះមិនឃើញ
ក្រុមហ៊ុន Apple កំពុងស្ថិតក្នុងជំហានត្រៀមចំណាយលុយ ៤០៤ លានដុល្លារ ទិញយកក្រុមហ៊ុនអង់គ្លេស Shazam។ នេះបើផ្អែកតាមប្រភពជិតស្និទ្ធនិងសេចក្ដីប្រកាសដែលត្រៀមចេញផ្សាយផ្លូវការឆាប់ៗនេះ។ កន្លងទៅ Shazam ក៏ធ្លាប់ផ្គត់ផ្គង់មុខងារពិសេសមួយឲ្យទៅប្រព័ន្ធ Siri ថ្លៃក្បែរ ១.០២ ប៊ីលាន (Billion) ដុល្លារ អំឡុងឆ្នាំ ២០១៥។
មុខងារទំនើបរបស់ Shazam នឹងប្រើរន្ធ Microphone របស់ទូរសព្ទ ចាប់សម្គាល់នូវរាល់បទចម្រៀងដែលកំពុងចាក់ ក្នុងការសម្គាល់ពីទិន្នន័យនៃបទមួយនោះ ម្ល៉ោះវានឹងជួយក្រុមហ៊ុនលោក Tim Cook ក្នុងការវិវត្តបន្ថែមលើកម្មវិធី Apple Music។
បើការទិញយកក្រុមហ៊ុន Shazam ប្រព្រឹត្តិទៅបានដោយជោគជ័យ នោះក្រុមអ្នកវិនិយោគឲ្យក្រុមហ៊ុនវ័យ ១៨ ឆ្នាំមួយនេះ រួមមានសេដ្ឋីម៉ិកស៊ីកូលោក Carlos Slim, ក្រុមហ៊ុនមូលប័ត្រ Kleiner Perkins Caufield & Byers និងក្រុមហ៊ុន DN Capital Ltd ទំនងជាទទួលបានអត្ថប្រយោជន៍ខ្ពស់ ព្រោះមាន Apple ជាខ្នងបង្អែកទៅថ្ងៃមុខ។
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទ:
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
