ខ្លាចាស់ Fasurak៖ ស្វាគមន៍ជានិច្ចបើ ឡៅ ចន្រ្ទា ចង់សងសឹកវិញ

2017-12-12 01:50:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្លាចាស់ឆ្លងដែនមកពីប្រទេសថៃ Fasurak Kirracfightteam ថា ស្វាគមន៍ជានិច្ចប្រសិនបើជើងខ្លាំងប្រចាំក្លឹបទ័ពពិសេសឆត្រយោង ៩១១ ឡៅ ចន្រ្ទា ចង់ប្រកួតសងសឹកលើរូបគេវិញនៅពេលណាមួយក៏បានដែរ។

កីឡាករថៃ Fasurak

កីឡាករ Fasurak បានឲ្យដឹងកាលពីថ្ងៃអាទិត្យនេះថា ឡៅ ចន្រ្ទា ជាជើងខ្លាំងម្នាក់របស់កម្ពុជា គេរឹងមាំ និងល្អគ្រប់ក្បាច់ ហើយប្រសិនបើគេខំប្រឹងហ្វឹកហាត់នៅពេលខាងមុននិងខ្លាំងជាងនេះទៅទៀត។

Fasurak ពេលឈ្នះ មៀច សុខរ៉ា

ជើងខ្លាំងទើបបង្ហាញមុខនៅកម្ពុជាខាងលើបន្តថា បើនិយាយពីស្នៀតប្រយុទ្ធរបស់ ឡៅ ចន្រ្ទា គឺម្យ៉ាងម្នាក់និងរូបគេ ហើយនៅពេលខាងមុនប្រសិនបើជើងខ្លាំងរបស់កម្ពុជារូបនេះ គេចង់សងសឹកនោះអាចប្រាប់ខ្លួនបាន ដោយគ្រាន់តែសុំពេលវេលាគ្រប់គ្រាន់សម្រាប់ហ្វឹកហាត់ប៉ុណ្ណោះ។

Fasurak ពេលឈ្នះ ឡៅ ចន្រ្ទា លើកមុន

Fasurak Kirracfightteam ធ្លាប់ឈ្នះពិន្ទុកីឡាករ ឡៅ ចន្រ្ទា ម្ដងហើយកាលពីវិច្ឆិកាក្នុងកម្មវិធីគូបូតារបស់សង្វៀនបាយ័ន។ ការប្រកួតចុងក្រោយរបស់កីឡាករថៃរូបនេះផ្ដួលអ្នកលេងគុនខ្មែរ មៀច សុខរ៉ា នៅទឹកទី៤ ដោយអាជ្ញាកណ្ដាលផ្អាកព្រោះសមត្ថភាពមិនដល់ Fasurak ម្នាក់នេះទេ៕

អត្ថបទ៖ នួន ស៊ីណា