លេខសម្ងាត់ដែលមនុស្សប្រុស និងមនុស្សស្រីចូលចិត្តប្រើ ខុសគ្នាដាច់

2017-12-12 02:38:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ការស្ទង់មតិថ្មីមួយធ្វើឡើងដោយក្រុមហ៊ុនប្រឹក្សាផ្នែកបច្ចេកវិទ្យា EPC Group បានបង្ហាញថាជាង ៣៧% នៃមនុស្ស ៦០០ នាក់ដែលចូលក្នុងការស្ទង់មតិ សារភាពថាពួកគេប្ដូរលេខសម្ងាត់ថ្មី តែពេលណាដែលវិបសាយប្រាប់ឲ្យពួកគេប្ដូរប៉ុណ្ណោះ។

១១% នៃ ៦០០ នាក់នោះទៀតសោត បាននិយាយថាពួកគេប្រើលេខសម្ងាត់ដដែលៗ (ឬស្រដៀងៗគ្នា) យ៉ាងហោចណាស់ក៏ ៧ ឆ្នាំជាប់ៗគ្នាដែរ។ ដោយឡែកបើសិក្សាលើភេទវិញ មនុស្សប្រើចូលចិត្តប្រើពាក្យ "password” ជាលេខសម្ងាត់របស់ខ្លួន ច្រើនជាងមនុស្សស្រី ២,៨ ដង។ ចំណែកមនុស្សស្រីចូលចិត្តប្រើឈ្មោះគូស្នេហ៍ជាលេខសម្ងាត់ ច្រើនជាងមនុស្សប្រុស ១,៣ ដង។

ទិន្នន័យពីការស្ទង់មតិនេះដែរបង្ហាញថាមាន ២២% សារភាពថាប្រើលេខសម្ងាត់ដូចៗគ្នាដើម្បី Log In ចូលវិបសាយខុសៗគ្នា ហើយមានតែ ១៤% ប៉ុណ្ណោះដែលប្រើលេខសម្ងាត់ខុសៗគ្នាសម្រាប់វិបសាយខុសៗគ្នា៕

ប្រភព៖ Cnet ប្រែសម្រួល៖ សុខហេង