មកស្គាល់ក្លឹបថ្មី កែវ សុខផេង នៅម៉ាឡេស៊ី ទើបបង្កើតបាន២ឆ្នាំ

2017-12-12 02:46:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ កែវ សុខផេង បានចុះកុងត្រាលេងឱ្យក្លឹប PKNP FC ដែលទើបមានឱកាសលេងនៅលីគកំពូលម៉ាឡេស៊ី រយៈពេល១រដូវកាល ក្រោយពីជោគជ័យខ្លាំងនៅក្លឹបក្នុងស្រុកភ្នំពេញក្រោន។

ក្លឹប PKNP FC ខាងលើនេះដែរ គឺជាក្លឹបថ្មីមួយនៅប្រទេសម៉ាឡេស៊ី ដោយទើបតែបង្កើតនៅឆ្នាំ២០១៥កន្លងទៅទេ តែអាចបោះជំហានឡើងទៅលេងនៅលីគកំពូលក្នុងប្រទេសនេះបាន។ ក្លឹបដែលមានម្ចាស់ជាអ្នកជំនួញល្បីឈ្មោះនៅម៉ាឡេស៊ីនេះ រំពឹងថាខ្លួននឹងរក្សាតំណែងនៅលីគកំពូលបាននៅរដូវកាលក្រោយ ដោយកំពុងតែទិញយកកីឡាករល្អៗជាច្រើនដើម្បីពង្រឹងក្រុម។

នៅលីគកំពូលរបស់ម៉ាឡេស៊ី ចាប់ពីរដូវកាលក្រោយនេះទៅ មានការផ្លាស់ប្ដូរច្បាប់មួយចំនួនក្នុងការទិញដូរកីឡាករ។ ដោយចាប់ពីឆ្នាំ២០១៨ដល់២០២១ ក្លឹបនៅលីគកំពូលទាំងអស់អាចទិញកីឡាករបរទេសបាន៥នាក់ ដោយបូកបញ្ចូលកីឡាករនៅតំបន់អាស៊ីម្នាក់ និងតំបន់អាស៊ានម្នាក់។ ដូច្នេះហើយ នេះអាចជាឱកាសល្អមួយសម្រាប់កីឡាករនៅកម្ពុជា ក៏ដូចជាប្រទេសផ្សេងទៀតនៅតំបន់អាស៊ាន អាចទៅលេងនៅលីគកំពូលម៉ាឡេស៊ីបាន៕

អត្ថបទ៖ មុន្នីរម្យ