ដំណឹងរសើបពីម៉ាឡេស៊ី ចាន់ វឌ្ឍនាកា ទៅលេងក្លឹបថ្មីទទួលកម្រៃជាង១ម៉ឺនដុល្លារ ១ខែ
- 2017-12-15 01:58:01
- ចំនួនមតិ 0 | ចំនួនចែករំលែក 0
ដំណឹងរសើបពីម៉ាឡេស៊ី ចាន់ វឌ្ឍនាកា ទៅលេងក្លឹបថ្មីទទួលកម្រៃជាង១ម៉ឺនដុល្លារ ១ខែ
ចន្លោះមិនឃើញ
ចាន់ វឌ្ឍនាកា បានចាកចេញពីប្រទេសកម្ពុជាហើយ កាលពីម្សិលមិញនេះ ដោយរូបគេទៅប្រទេសម៉ាឡេស៊ី ហើយត្រូវបានគេដឹងថានឹងទៅចរចាចុះកុងត្រាជាមួយក្លឹបថ្មីនៅទីនោះ។
បើតាមភ្នាក់ងារពីប្រទេសម៉ាឡេស៊ី បានបង្ហើបថាខ្សែប្រយុទ្ធកម្ពុជារូបនេះ នឹងផ្លាស់ទៅលេងនៅក្លឹបធំមួយនៅម៉ាឡេស៊ី ហើយចំពោះតម្លៃពលកម្មវិញក៏ច្រើនជាងនៅប្រទេសជប៉ុនកាលលេងជាមួយក្រុមលីគលំដាប់ទី៣នោះដែរ។ ប្រភពដែលទុកចិត្តបានរូបនេះ បន្ដថាការចុះកុងត្រានឹងត្រូវធ្វើឡើងក្នុងពេលឆាប់ៗនេះ ហើយតម្លៃខ្លួននោះអាចជា ១៥០០០ដុល្លារអាមេរិកឯណោះ។
ត្បិតតែយ៉ាងនេះក្ដី ប្រភពមួយនេះសុំលាក់ឈ្មោះក្លឹបថ្មីនោះសិន ដោយចាំខាងសាមីប្រកាសជាផ្លូវការនៅពេលឆាប់ៗនេះតែម្ដង។ ដោយឡែកតម្លៃខ្លួននោះ អាចនឹងមានការប្រែប្រួលបន្តិចបន្តួចទៀត ក្រោយពីមានការចរចាគ្នាផ្ទាល់តែម្ដង អំឡុងពេលកូនប្រុសចៅហ្វាយខេត្តកំពតទៅជួបក្លឹបផ្ទាល់។
វឌ្ឍនាកា បានចាកចេញពីកម្ពុជាក្រោយពីជួយក្រុមបឹងកេតធ្លាក់ត្រឹមវគ្គដំបូងពានរង្វាន់ Toyota Mekong Cup ។ បើតាមការឆ្លើយតបជាមួយអ្នកគាំទ្រ រូបគេនឹងត្រលប់មកកម្ពុជាវិញនៅថ្ងៃស្អែកនេះ៕