គិតឲ្យច្បាស់ ទិញរថយន្តជាប់ក្រដាសពន្ធ ឬស្លាកលេខ កុំឲ្យទិញហើយខកចិត្ត

2017-12-19 05:08:17
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទាំងអស់គ្នាប្រហែលជាឆ្ងល់ហើយឡានក្រដាសពន្ធ? ស្លាកលេខ? ខុសគ្នាម៉េចវិញ? ជាការពិត បើអ្នកកំពុងមានបំណងចង់ទិញរថយន្តពេញនិយមគ្រប់ម៉ាក មិនថាតែ Camry បាឡែនឬរថយន្តមួយទឺកផ្សេងៗ អ្នកគួរតែស្វែងយល់ពីចំណុចនេះជាមុនសិន ដើម្បីចំណេញលុយខ្លះ ទុកចាក់សាំងឡានបើកទៅផ្ទះវិញ។

រថយន្តបាឡែន LE

ជាទូទៅចំពោះរថយន្តតែងឃើញមានបែងចែកជាប្រភេទ Half full និង Full Option អីជាដើម តែប្រភេទក្រៅផ្លូវការមួយទៀតដែលកំពុងនិយាយនេះគឺ ប្រភេទមានក្រដាសពន្ធស្រាប់ និងមានស្លាកលេខស្រាប់លក់នៅស្រុកខ្មែរព្រោងព្រាត តើគូរទិញមួយណា?

ឥឡូវចូលដល់ប្រធានបទតែម្ដង ចង់សំដៅទៅលើការទិញ-លក់ ដែលមានបែកចែកជាពីរទៀតគឺ ការទិញដល់កុងតឺន័រផ្ទាល់ និងតាមស្ដង់/យានដ្ឋាន ឬហ្គារាសលក់ឡានផ្សេងៗ

- រថយន្តក្រដាសពន្ធ

គុណសម្បត្តិរថយន្តក្រដាសពន្ធ ជារថយន្តដៃទី ១ នៅស្រុកមិនទាន់គេជិះនៅឡើយ មានគ្រឿងក្រោមនៅល្អ មិនពុកផុយ ធូរថ្លៃជាងរថយន្តស្លាកលេខបន្តិច មិនបារម្ភរឿងកាត់ឈ្មោះពីម្ចាស់ដើម។

- រថយន្តស្លាកលេខ

គុណសម្បត្តិរថយន្តស្លាកលេខ អ្នកមិនបារម្ភរឿងធ្វើស្លាកលេខថ្មី ទិញភ្លាម ជិះទៅផ្ទះភ្លាមមិនខ្លាចប៉ូលីសចាប់។ តែគុណវិបត្តិុវិញ អ្នកមិនប្រាកដថាជាម្ចាស់ទីមួយនោះទេ អាចមានគេទិញជិះច្រើមនដងមកហើយ មុនមកដល់ដៃអ្នកចុងក្រោយ ត្រូវកាត់ឈ្មោះពីម្ចាស់ដើម(តម្លៃកាត់ឈ្មោះធម្មតាជាង ២០០ ដុល្លារ មិនគិតលើចំណាយផ្សេងៗ)។

លោកសៅរិទ្ធី អ្នកជំនាញមើលរថយន្តឆ្លាម បាឡែន និង Lexus នៅឯខេត្តបាត់ដំបងបានចែករំលែកបទពិសោធន៌ផ្ទាល់របស់លោកថា បើសរុបមក រវាងរថយន្តបាឡែនទាំងពីរម៉ូឌែល អ្នកគួររើសយកប្រភេទមានក្រដាសពន្ធ ដោយហេតុផលសំខាន់ ២គឺ ទីមួយ អ្នកប្រាកដក្នុងចិត្តច្បាស់ ថាជារថយន្តដែលនាំចូលមកក្នុងប្រទេសខ្មែរ មិនទាន់មានអ្នកណាបានធ្វើម្ចាស់វានៅឡើយទេ ទោះជានៅឯស្រុកគេធ្លាប់ជិះហើយក៏ដោយ។ ម្យ៉ាងមួយទឹកមកពីក្រៅ នៅថ្មីអាចទទួលយកបាន មិនមែនរថយន្តមួយទឹកប្រើហើយខ្ទេចនោះទេ។ ទីពីរ តម្លៃ ត្បិតថារថយន្តស្លាកលេខ និងក្រដាសពន្ធ ឥឡូវមិនសូវជាថ្លៃលើសគ្នាពិតមែន (តម្លៃរថយន្តស្លាកលេខ បាឡែន XLE ឆ្នាំ ២០០២ half full ខ្ទង់ ១១ ៧០០ ដុល្លារ ឯតម្លៃក្រដាសពន្ធ ១៣ ០០០ ដុល្លារ)។

ទោះជាលើសគ្នាប៉ុណ្ណេះ តែអ្នកអាចតថ្លៃគេបាន ហើយអ្នកអាចសល់លុយខ្លះមកវិញ ពីការកាត់ឈ្មោះ និងចំណាយផ្សេងហើយទទួលបានឡានស្អាត មិនប៉ះពារច្រើនឬកាត់តអីជាដើម៕