ឥទ្ធិពលពីក្រោយ Man City ហ៊ានជះលុយសន្ធឹកសន្ធាប់ទិញកីឡាករ ក្លាយជាក្រុមខ្លាំងបំផុតមួយ

2017-12-16 02:32:29
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Sheikh Mansour ម្ចាស់ក្លឹប Manchester City

លោក Sheikh Mansour ជាម្ចាស់ក្លឹបមេឃខៀវ ដែលកំពុងឈរលើតារាងកំពូលក្របខ័ណ្ឌ Premier League បានប្រមូលទ្រព្យសម្បត្តិចំនួន ១៧ ប៊ីលានផោន (ប្រហែល ២៣ពាន់លានដុល្លារ) ភាគច្រើនបានពីការវិនិយោគនូវក្រុមហ៊ុនប្រេងរបស់លោកដែលកំពុងរីកចម្រើន។ នេះបើតាម The Sun។

Sheikh Mansour ជានរណា?

លោកគឺជាឧបនាយករដ្ឋមន្ត្រីនៃប្រទេសអារ៉ាប់រួម និង ជាសមាជិកនៃគ្រួសារ អាប៊ូដាប៊ី ដ៏មានឥទ្ធិពលនៃប្រទេសស្តេចប្រេងមួយនេះ។ Sheikh អាយុ ៤៧ មានភាគហ៊ុនធំនៅក្នុងក្រុមហ៊ុនផលិតយានអវកាស Virgin Galactic របស់សហគ្រិនអង់គ្លេស។

Sheikh Mansour ចាយលុយរបៀបណា?

នៅឆ្នាំ ២០០៨ Sheikh Mansour បានទិញក្រុម Man City ក្នុងតម្លៃ ២៨០ លានដុល្លារ និង បានធានាថានឹងធ្វើឲ្យក្លឹបនេះពោរពេញទៅដោយកំពូលកីឡាកររបស់ពិភពលោក។

Sheikh ជាអ្នកជំនួញដ៏ឈ្លាសវៃម្នាក់ ហើយលោកមិនដែលជះលុយចោលទទេៗឡើយ។ ថ្ងៃដែល Man City បានចុះហត្ថលេខាជាមួយកីឡាករ Gareth Barry ក្នុងតម្លៃខ្លួន ១៦ លានដុល្លារពីក្រុម Aston Villa លោករកបានប្រាក់ចំណេញចំនួន ១,៤ ប៊ីលានដុល្លារ ពីការលក់ភាគហ៊ុននៅ Barclays ដែលលោកបានទិញកាលពីប៉ុន្មានខែមុន។

នាវារបស់លោក Sheikh Mansour ដែលមានឈ្មោះថា Topaz

នាវាផ្ទាល់ខ្លួនរបស់លោកមានតម្លៃ ៥៣៣ លានដុល្លារ ជាប្រភេទនាវាទេសចរណ៍ដ៏ធំបំផុតទី ៥ នៅលើពិភពលោកនេះ មានកម្ពស់៨ជាន់។ នាវានេះចាក់សាំងម្តងត្រូវចំណាយលុយជាង ៥០ ម៉ឺនដុល្លារ (កន្លះលានដុល្លារ) ដើម្បីបំពេញចំណុះ ៧៣ ម៉ឺនលីត។