បុណ្យបេតិកភណ្ឌខ្មែរបង្ហាញពីសិល្បៈបុរាណច្រើនទម្រង់
- 2017-12-17 07:31:43
- ចំនួនមតិ 0 | ចំនួនចែករំលែក 0
បុណ្យបេតិកភណ្ឌខ្មែរបង្ហាញពីសិល្បៈបុរាណច្រើនទម្រង់
ចន្លោះមិនឃើញ
សិល្បៈ បាញ់ធ្នូ ចាក់សាក់ ចាប៉ី ចំលាក់ថ្ម និង ស្បែក ត្រូវបាន បង្ហាញវត្តមានក្នុងទិវាបេតិភណ្ឌខ្មែរឆ្នាំ ២០១៧ នៅ រមណីយដ្ឋានវត្តភ្នំ ។ រយៈពេល ២ថ្ងៃមកនេះមានអ្នកចូលរួមទាំងភ្ញៀវជាតិ និងអន្តរជាតិ បានមកទស្សនាស្តង់ដាក់លក់ផលិតផលខ្មែរ មានស្នាដៃសិប្បកម្មជាដើម។
ជារៀងរាល់រាត្រីទាំង ៣ ក៏មានការសម្ដែងសិល្បៈ មកពីក្រុមសិល្បៈទាំង ១៤ សមាគម ដែលមានទម្រង់សិល្បៈ បុរាណ ដូច ចាប៉ី ល្ខោនគែន និង ទស្សនីយភាពល្ខោនរឿង រួមបញ្ចូលសិល្បៈបុរាណ៤ទម្រង់ ជាដើម។
ពិធីនេះធ្វើឡើងរយៈពេល ៣ ថ្ងៃ គឺចាប់ពីថ្ងៃទី ១៥ ដល់ ១៧ ខែធ្នូ ឆ្នាំ ២០១៧ នៅរមណីយដ្ឋានវត្តភ្នំ ។ កម្មវិធីប្រារព្ធឡើងដើម្បីចូលរួមអបអរសាទរខួប ១៤ ឆ្នាំ នៃរបាំព្រះរាជទ្រព្យ ខួប ១២ ឆ្នាំនៃល្ខោនស្រមោលស្បែកធំ និង ខួប ១ ឆ្នាំនៃចាប៉ីដងវែង ដាក់ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ ៕